Makaabon 2:20 - NABUWWA KEE MALIKWA

²⁰ YALLI toh yable waqdi, kulli way bagcarritak yeneeh, «A mari yi yab cineeh, anu ken kaxxa abbobti lih hee Yalla-kee-xaganal digga iyyoonu cineenih.

Makaabon 2:20 ပူးပေါင်းရင်းမြစ်များ

2 Samuwel 24:1

YALLI qagisak Israayil ummatta yinqibeeh, Dawud gabat ken biyaakam faxe. Kaak iyyeemih, «Gexay Israayil kee Yuudah ummattak loowo abaay yakkeenih gide wagit» iyye.

Ermiyaas 31:32

Too saaku ken lih hayu waa qahdi, anu gaba keenik xabba heeh, Masrik ken eyyeeqe saaku, ken abbobti luk abe qahdi innah yan qahdi mayakka. Too saaku baqli barrah elle yamqeeh amo teetik elle wagta gurral, anu kaadu ta marah muqukuuy amo keenik wagitak suge'mmay, tohuh ken lih abe qahdi yol makeenih.

Yacedkel 20:37

‹Gaba nagay digga siinil heeyyooh; yo'lih hayten bica akah duudussan innah siinik abeyyo.

Yoosuwa 23:16

Usuk xagura siinik iyye kay xinto xagure wayteeniih, tonnah kaadu, YALLAY sin Dagelta kinnihiyya maaqilla hayteenih, deedaltamay yalla axcuk yaqbudeenihiyya tuqbudeenik, wohih taamat gacteenik, YALLI isi bagcarrat sin digaaleleeh; away siinih yecee niqmatah tan baaxol num siinik maraaqa» keenik iyye.

Makaabon 10:7

Tonna-leemiik YALLI ken yinqibeeh; tohih sabbatah Filistiin kee Qammon mari qeebih keenik iysissa heeh reedah amol keenik hee.

Makaabon 2:14

Toh keenik yuble waqdi, YALLI bagcarriteeh; umeynit buxaaxi keenik akah bubta'nnah abe. Dariifal keenik sugga 'te naqboytit caylah keenik yiysiiseh. Naqboytiitit koysitoonu yeffereenih.

Makaabon 2:19

Woo makaabonuy Yalli keenih heehiyya rabtek wadir, duma ken kaxxa abbobti abak sugte uma-taamak lafitta 'ta uma-taama abak yenen. Yalla cabba heenih duyyeeya yaqbudeenim dumak laffa haak abak yenen. «Ninnih fanxem abenno» axcuk, uma-gita cabaanam cineenih.

Makaabon 3:8

Tohuk gexxaamah, YALLIH bagcarra keenil obteeh, Kusan-Risqatayim akak iyyan malikiy Mesbotaamiyal dardaarehiyya qeebih keenik iysissa heeh reedah amol keenik hee. Israayil mari bacra sanat kay gubat gace.