Makaabon 2:16 - NABUWWA KEE MALIKWA

¹⁶ Tohuk lakal YALLI a marih gabak ken yayyaaqu waa makaabon keenih yecee.

Makaabon 2:16 ပူးပေါင်းရင်းမြစ်များ

Nacmiya 9:27

«Too waqdi ken naqboytiitih gabat radoonay ken inte. Too mari uma xukkot ken abbaxuk suge. Gadaamiteenim yublen waqdi, kol weeqen. Atu qaraanal ken weeqa toobbeeh; kaxxa racmatta le Dagelta kinnuk, ken cattu wayta saqoltiy naqboytit gabak ken tayyaaqu waytahiyya keenih rubte. Too mari naqboytit gabak ken cateh.

Makaabon 10:1

Abimalik rabek lakal, Fuuwâ-baxi Toolaq, Israayil isi naqboytitteh gabak yayyaaqe'gidih yemeete. Toolaq Doodô-baxih baxak ten. Akah aabakuk yenem, Issakar deqsitta kedok teneeh; guubuh elle sugem, Saamir deqsita aracay Efrayim baaxok qaleela le kabut raaqa rakaakayal yenehiyya.

Makaabon 11:32

Yeftac Qammon-marat qeebi aba'gidih gexeeh; YALLI woo qeebil iisa kaah yecee.

Makaabon 3:15

Takkay immay YALLAL weeqah hayya heen waqdi, YALLI ahak currih ken yayyaaqu waa num keenih hee. Tohuu, Benyaamah yooboke Gerá-Eehud deqsita guralik yen num yen. Israayil mari gabal kaak gabbara hayya heenih malik fanah kaa ruuben.

Makaabon 3:31

Eehud lakal Israayil mara cattem, Qanát-Samgar deqsita numuk ten. Usuk Filistiin marak laca boolih num, laa edde dacrisan af le birtat qide.

Makaabon 4:5

Ta barra qaleela-le-Efrayim-baaxok Raama kee Beetal deqsita aracak fanal ten nakliitâ-caxak gubal daffa 'tah cokmaabak ten. Tonnal too nakliita, Deboorâ-nakliita iyyen. Israayil mari cakki goranah tet fan gexak yen.

Makaabon 6:14

Tohuk lakal YALLI kaa fan wagteh kaak iyyeemih, «Koo rubtam yook, caylak litoh gide koo xiqtah tanik, gex. Israayil mara Miidiyan marih xukkok cat» iyye.

Ruut 1:1

Makaabon Israayil baaxol dardaarak ten saaku, Israayil baaxol qulul rade. Too waqdi Alimelek deqsita num, lab-xayloh nammay kee barra gabat hayya heeh, Yuudâ-baaxok Beetlacam deqsitta magaalak Mooyab deqsita marih baaxo fan dulah gexe. Kay barra migaaqah Noqmi deqsitak ten. Teetik lab xayloh nammay kaadu migaaqah Maclon kee Kilyon deqsitak yenen. Alimelek akah yoobokem, Efrat deqsitta gulubuk ten.

1 Samuwel 12:11

YALLI too waqdi Gidqoon kee Barak kee Yeftac ruubeeh, ellecabol yoo ruube. Kulli num naqboytiitik sin cateeh; tohuk gexxaamah amaanah xinten.

1 Samuwel 14:48

Qamaalek-marat kinni way maqar le qeebil keenik yeyseh. Israayil mara abbixe raarra hee marih gabak cateh.