Makaabon 19:22 - NABUWWA KEE MALIKWA

²² Tonnal farcatat yanin waqdi, magaalah addal tan labhay taama akak toomehiyya garciik qari keenik marot heen. Qari afa keenil kaxxam yoogoren. Qari le numuk, «Ama ku buxa yemeete num annah afah nel eyyeq; fido kaat fanxa'gidih neh kaa eyyeq» iyyen.

Makaabon 19:22 ပူးပေါင်းရင်းမြစ်များ

1 Malikwa 21:10

Baabuurute marak nammay bahha haay, kay foocal daffessa ken haay, ‹Nabot, Yalla-kee malik xaafe axcuk kaal wada› inxica. Too waqdi magaalak afah kaa eyyeeqay xeetit kaa qida» 'yaanam elle hayte warkat rubte.

Yacedkel 16:46

Barah kok naba ku maqanxáy Samaariya deqsittahiyya kee tet xaylo dabaaqah-elle-tanim, atu elle tani'kkek kilbat le kabut raaqa araca. Kok qunxa maqanxá kee dariifal tan gaandoodiy gabbi-qaxat kok raqtahiyya, migaaqah Sodom deqsitta.

Hosiqa 10:9

YALLI iyyeemih, «Israayil mari, Gibqa deqsita aracal dambit ase ayrok wadir, dambi abittok way maadayinnon. Tonna leemiik Gibqal qeebi ken abbixele.

Hosiqa 9:9

Gibqa deqsita rasul akah abak sugga iyyen innah, umaanet badih innah sutta 'ten. Yalli isin aben dambi uxih digga haah, uxih mahawweeninnaay, sin dambih sin digaalele» iyye.

Makaabon 20:5

Gibqâ-mari qeebi yot aba'gidih bar yemeeteeh, addal akak an qarit maro heen. Naharak yoo qidaanam faxeeniih, sarra yoo cabba heenih yi barra cayliseeniih woo caylisut edde rabte.

Makaabon 20:6

Sarra tet ginaada beeh irgiggiqqa heeh Israayil mari elle eneyya 'ya ikke exxa-exxa keenih ruube. A umaane abe mari, uma-taamay caraamak tanihiyya ni addal abe mara kinnon.

1 Samuwel 1:16

Uma-taamat assa barra yoo makkalin. Liyoh an biyak kee cisaabah Yalla kallacitak suge ikkal» kaak inte.

1 Samuwel 10:27

Takkay immay dago maray umaane ugsam faxahiyya yen. Too mari, «A num-baxi maca neh xiqele?» 'yaanam axcuk kaa burteenih, tohuk gexxaamah mattaco kaah mabaahinnon. Saawuluh tu gactek, oson abeenimit baaqid mahaysitinna.

1 Samuwel 2:12

Qeli qamal-uma xaylo luk yen. Kay xaylo YALLAT baaqid luk manannaay, hinnay kaadu YALLAH-aban-sadgatak seekah yaceen aftot baaqid luk manannon. Num sadgat aba'gidih wokke yamaate waqdi, ken taamah afat yan num sidiica af le malkaqay cado edde mudaanahiyya luk amma 'yaah,

1 Samuwel 25:25

Nabal kol baahem bagut kaah mahan; yaaxigem le num hinnak. Nabal akak iyyaanam duquruuy; kay migaq kay taamah bis le. Atu rubte ku mari yemeete saaku, anu wokkel masuginniyo.