Makaabon 19:1 - NABUWWA KEE MALIKWA

¹ Israayil mari malik luk suge wee dabaanal, uli Leewih yooboke num yen. Too num Efrayim-rasuk qaleela le baaxok darre le kabut raqta baaxol buxah yen. Too num Yuudâ-rasul geytinta Beetlacam-magaalak, caggoytâ-gubih caggoyta kaah takke'gidih, baxuwwa bee.

Makaabon 19:1 ပူးပေါင်းရင်းမြစ်များ

2 Samuwel 16:22

Too fayu kaak yukkuqeeh; sarrak Absalaamah malik qarik amol siraq heeniih, kulli num kaa akak yable'kkel, Absalaam woo siraq culla 'yeh abbah caggot fido faxeh.

2 Samuwel 19:5

Too waqdi Yowab malikil gexxa 'yeh kaak iyyeemih, «A saaku isi qaskaray rooci kot catteeh, xaylo kee agabu koh catehiyya qaybik qidde.

2 Samuwel 20:3

Dawud isi qariy Yarusalaamal yanihiyya gufe waqdi, caggô-gubih caggoh nikaacat abbaxuk yen tabna barray qarit dacayrih cabeh sugehiyyat dacayrih sinam hee. Faxxa haanam tokkeek keenih abak yene'mmay, fido keenit faxak manannaay; dibuk tani ikket ken abbaxuk yen. Too agbi rabba 'yam fanah gubun gurrah sugen.

2 Samuwel 3:7

Saawuluk raqte gubnay migaaqah Ayyá-Rixfa deqsittahiyyak ten. Too barra Saawul caggoh gubih caggoytak ten. Ayrok teena, Isboset deqsita Saawuluk raaqe baxi Abnerik malkite. Iyyemii, «Yi abbak raqte barra akah caraamissam macaay?» kaak iyye.

2 Samuwel 5:13

Cebron magaalak Yarusalaam fanah buxa yeyseerrek wadir, Dawud mango agabu caggoh luk yeneeh, tonnah kaadu, caggô-gubbih caggoh nikaacat le agabuk mangom luk yen. Lab-xaylok kee say-xaylok mangom xale.

1 Malikwa 11:3

Suleeman malikwâ-xaylok malcina bool takkem abiteh yen. Kalah kaadu, sidiica boolih barray caggô-gubih caggoh nikaacat yabbixehiyya luk yen. Too agbi Yallak kaa yeyxeereh.

1 Malikwa 4:8

Too taban kee namma numih migaq kee reeda elle luk sugen rakaakayitteh migaq ah kaana: Cuur-baxi abbah elle sugem, Efrayim rasuk qaleela mango aracak ten.

2 Aydaad 11:21

Racabqam-agbi tittat taban kee bacra akkuk yeneeh, wohuk kalah kaadu, caggô-gubih caggoh nikaacat yabbixe agabuk lactam luk yen. Xaylok kaadu lab-urrih labaatanna kee bacra kee say-urrih lactam luk yen. Nikaacat abbaxuk yen agabuk inkihii, kacanuh Maqkah lafitak yen.

Aster 2:14

Magrib malik qari fan gexak teneeh, aki saaku aki aracay malik caggô-gubih caggoh nikaacat yabbixe agbi elle yanihiyya tet beyak yenen. Wokkel seelabu luk yen numuy migaaqah Sagasgad deqsitak yeneeh, malik agbih dacayrit yenel tet cabak yenen. Tohuk lakal malik tet ikcinna heeh migaaqal teetih seecam fanah, kaa fan gexak mananna.

Daaniyel 5:3

Too waqdiik dahabak bicsen kobbaayiy kee sacnittey Yarusalaamal yan Yallih Qibaadah-Qarik dannabah orbiseenihiyya kay qarih adda baahen. Too waqdi too duyyel, kaa kee kay maray xintoh miracwah yanihiyya kee kay agabu kee caggô-gubbih caggoh ginnaaqot le agabu tooqobe.

Malaaki 2:15

Yallal baguuk yaamine num tonnah tanim maaba. Yallih fayxi macaay inteenik, Yallal yaamine num xale xaylo, Yallal baguuk yaamine mara takke'gidi. Tahaysa furrayniinol elle digibten agabu lih liton Yalla-kee xagana make waytaanama. Tahal digga 'xica» iyye.

Yoosuwa 24:30

Efrayim rasuk qaleelah tan baaxol, Gaqas deqsitta qalek kilbat le kabut raqta Timnat-Serac deqsitta magaalay Israayil mari kaah yeceeh sugehiyyal kaa yoogoqen.

Yoosuwa 24:33

Haaruun baxi Alqedar kaadu rabeeh; Gibqa deqsitta magaalal kaa yoogoqen. A arac Efrayim rasuk qaleelah tan baaxol geytima aracay kay baxa Fincasah yeceenihiyyak ten.

Makaabon 12:8

Usuk rabek lakal Ibxan deqsita numuy Beetlacamal yoobokehiyya Israayil marih makaabantu yekke.

Makaabon 17:1

Dumah yan saaku Miika deqsita num suge. Too num dabqah Efrayim rasuk qaleela mango baaxol suge.

Makaabon 17:6

Too dabaanal Israayil rasul malik manannaay; tonna-leemiik kulli num isih faxem abbaasitak yen.

Makaabon 17:7

Too dabaanal kaadu Leewih yooboke furrayni Beetlacam deqsitta magaalay Yuudâ rasul geytintahiyyal dabqah suge.

Makaabon 17:8

Sarrak woo magaala cabba heeh, dabqah elle gaca ikkeh goranah safare. Ellecaboh Efrayim rasuk qaleela le aracal tan Miikâ-buxa yemeete.

Makaabon 18:1

Too dabaanal Israayil mari malik luk mananna. Israayilik Daan-kedoh yooboke mari, Israayil mari inkih baaxo elle gee'kkel, baaxo gee'kal yeneeniih; tohuk gexxaamah yabbixen baaxoh goranat gacen.

Makaabon 18:13

Tokkeek gexeeniih, qaleela mango Efrayim baaxol gacak, Miikâ-qari elle geytima arac yemeeten.

Makaabon 19:16

Oson tokkel yanin waqdi, idaltuh yan numuy taamak orbahiyya keenil yemeete. A idalti aslik Efrayim numuk yene'mmay, woo saaku buxah woo magaalal yen. A magaala lem Benyam marak ten.

Makaabon 19:2

Sarrak a barra kaa'lih gexsite cinteeh; naqabut abbâ-buxa fan tuduure. Tokkel abbâ-buxal affara alsa sugte.

Makaabon 21:25

Too dabaanal Israayil addal malik manannaay; tonna-leemiik kulli num isih faxem abbaasitak yen.

Makaabon 3:27

Qaleela le Efrayim rasu gufe waqdi Israayil marah *baanta yoogoreeh, «Ummatey carbih uguta» iyye. Too mari yemeete waqdi, qaleelâ baguy dabaqah elle sugeenik foocat gacca 'yeh ken bee.