Makaabon 18:7 - NABUWWA KEE MALIKWA

⁷ Toh keenik inxicca 'ye waqdi, woo koona num Laysâ-magaala fanah safarte. Too magaala gufen waqdi, magaala yubleeniih; magaalal yan mari hammi sinnim amaanah elle xiinan inna keenik yismiteenih. Saydâ-marak kaxxih, a magaalal yan mari amaanah yeneeniih; ken xagtam mananna. Oson kaadu xagtan mara luk manannon. Mano keenil muquk teneeh; faxxa haanam inkih luk yenen. Laysâ-magaala, Saydâ marih magaalak xeeruk raaqak teneeh; hebeltô-mara luk heen bica kee qalla luk manannon.

Makaabon 18:7 ပူးပေါင်းရင်းမြစ်များ

1 Malikwa 16:31

Kaak dumal malikih suge Nabát-Yarobqam abak suge umaane kay garil inkinnah tuk masuginnaay, dambi abitto wohuk lafittam baahe. Etbaqal-deqsita-numuy Saydâ-marak-malikih yenehiyyak Idebal-deqsitta-baxá rihimih abite. Tohuk lakal Baqal akak iyyaanam diini-maleela Yallih aftok taqbudehiyyah qibaadat gace.

1 Aydaad 4:40

Too baaxo akadah (agdah) tan baaxoy meqe qayso luk sugtehiyyak ten. Baaxo kaadu kaxxa baaxoy amaan kee wagari lehiyyak ten. Duma Caamak rade mari too baaxol suge.

Ermiyaas 49:31

Yoo YALLI kaadu Nabkadnessarak iyyaamah, ‹Caxor-maray isi baaxo kaxxa amaanah xiinahiyyat qeebi aba. Ken mandarwa akak culan afay alfintahiyya maliiy; sinam lih kaadu hebeltô-qalla mahaysitinnoonuk, qeebi keenit aba.

Yoosuwa 19:47

Ta magaalooli kee tet dariifal tan gaandoodi inkih Daan kedoh yeceen baaxol ten. Takkay immay naqboytit tohuk lakal Daan marak baaxo beenih. Too waqdi Daan mari Laysa deqsitta magaala gexxa 'yeh qeebit yibbixen. Teetil suge mara seleeniih, magaala isinnih raqsiten. Tokkel nookeeniih, magaalak migaq korissa heeniih, isinnim aben. Migaaqah ken kedo akak radde Daan deqsita numul heen.

Makaabon 18:29

Magaalak migaaqah Daana iyyen. Daan ken kaxxa abbah migaaqaay Yaqkuubuk baxak ten.

Makaabon 18:6

«Akah sakkittaanam manton. Abtan safaral YALLI sin dacriselek, gexa» keenik iyye.

Makaabon 18:8

Gibah ruuben mari yuduure saaku, ken ruube ken baaxoh mari xaagu keenik abeeh, «Maca tubleenih temeeten?» keenik iyyen.

1 Samuwel 3:13

Kay maral oobisu waa digaala ahak wadir ken amol tanim dumaak kaah warseh. Ken akah digaalu waam, kay xaylo yi migaq akke sinni migaq yoh abteemih sabbata. Qeli kay xaylo aham abtam aaxaguk yene'mmay, maabina keenik maxcinna.