Makaabon 18:31 - NABUWWA KEE MALIKWA

³¹ Yalla elle yaqbuden siraq Siilo deqsita aracal udduruk suggu 'yem, a ceeloy duma Miika luk sugehiyya kaadu Daan magaalal elle sugte.

Makaabon 18:31 ပူးပေါင်းရင်းမြစ်များ

Ermiyaas 41:5

Seekem kee Siilo kee Samaariya deqsitta magaaloolik bacra-tabanih num yemeete. Too mari deben isik mollaay, tonnah kaadu, sara isinnik qanxissa heenih yemeeten. Xagar kaadu isinnik toobiyeenih yemeeten. Yemeeten waqdi, Yarusalaamal YALLIH Qibaadah-Qaril sadgatah xayyoosoonu waan daro kee qaydarus gabat luk yemeeten.

Ermiyaas 7:12

Siilo deqsita aracal, duma yi qibaadah bicseenih sugen aracal baahem gexay wagita. Too aracal tonnah tanim akah baahem, Israayil maray yi marah yanihiyya baahe dambih sabbata.

Yoosuwa 18:1

Baaxo qeebit yibbixeenik lakal, inkih tan Israayil ummat Siilo deqsitta magaalal gaaboowen. Tokkel Yallih Nabnah-Siraq soolisen.

Makaabon 19:18

«Elle sugnem, Yuudâ-rasuk Beetlacam magaalaay; away genxam, ninni baaxo. Baaxo nek Efrayim rasuk qaleela mango exxay xeeruk raqtahiyyal tan» kaak iyye. «Beetlacam fan gexeeh, away inni buxa fan gacah an. Nakme'gidih gaqambooy, maqabah qinab kamri linooh, danoonâ-qayso kinni way ninnih linoh immay, xiinih buxah nee beya mara nableh manan» iyye.

Makaabon 21:19

Sarrak cubbussa heen waqdi, Siilô magaalal kulli sanatal YALLIH qiidih edde asan ayro xayyowteh tanim kassa heen. Siilô-magaala Beetal deqsitta magaalak kilbat le kabut raaqak teneeh, Leboonâ-magaalak kaadu gabbi-qaxat raaqak ten. Beetal kee Seekem magaalak fan gexa gitak ayrô-mawqa le kabut raaqak ten.

Makaabon 21:21

Siilô magaalah baxuw qiddi farcatah digiraana'gidih awqeloonuk, wagitak ken sugga 'xicay. Too waqdi coox addak eweqa; ken fan gexxa xicay, kulli numuuy isih faxe baxuwwa dirkih beetaama; isinni baaxo fan luk kuda.

1 Samuwel 1:3

Kulli sanatal Elkaana, Raama akak iyyan baaxook, Siilo deqsitta magaala fan, YALLAY Nabaamak Nabahiyya yaqbude'gidiiy kay sadgat aba'gidih, amaatuk yen. Tokkel Qeli deqsita numih xayloy migooqah Cofni kee Fincas deqsittahiyya YALLIH seekah yenen.

1 Samuwel 4:4

Sarrak Nabaamak Naba YALLAY korsi akak galwa-leemik daga le kabu raqtehiyyak Qahdih-Sandug baahu waa mara Siilo fan ruuben. Qeli xayloh nammeyay migaaqah Cofni kee Fincas deqsittahiyya woo sandug baahe mara lih yemeeten.