Makaabon 18:2 - NABUWWA KEE MALIKWA

² Sarrak kedoh addak doorru heen koona num guubuh elle gacoonu waan baaxo gibteenih yamaateeni'gidih, Xorqa kee Estool deqsitta namma magaalak ken ruuben. Keenik iyyeenimih, «Gexay baaxo elle tan gurra wagga haay ama» axcuk, giba elle aban inna escessa ken heenih, ken ruuben. Efrayim rasuk qaleela le arac yemeeteeniih tokkel Miikâ-buxa culen.

Makaabon 18:2 ပူးပေါင်းရင်းမြစ်များ

Yoosuwa 15:33

Mango koomaami le baaxol raqqa 'ta magaalooliy keenih yeceenihiyya ah teeti. Estool kee Xorqa kee Asna kee

Yoosuwa 19:41

Baaxo keenik Xorqa kee Estool kee Qirsemes kee

Yoosuwa 2:1

Tohuk lakal Yoosuwa, Tikible-Golo deqsita aracak namma num gibah ruube. Farrintoh too namma numuk iyyemii, «Kanqaan baaxok axcihiiy Yeriko deqsitta magaala sasot rebsimak gexay gibitay gaca» iyye. Too namma num gexxeeh; woo magaala gufen waqdi, Racab deqsitta xiiqareh xiinah buxa gexeeniih; wokkel elle xiinen.

Yoosuwa 2:2

Too bar Yerikô-malik Israayil marak tu takkem gibah temeetem yoobbe.

Makaabon 13:2

Too dabaanal Xorqa deqsita aracal yooboke Manowac migaq le num yen. Usuk akah yoobokem Daan deqsitta kedok ten. Barra kaak maxalaytok ten.

Makaabon 13:25

Usuk Daan-Mafdaga deqsita aracay Xorqa kee Estooluk fanal yanihiyyal yan saaku, YALLIH *Roocaaniyya maqar kaat hayte.

Makaabon 16:31

Kay tooboko kee kay buxah mara kay raysa woo aracak beyta'gidih temeete. Kay raysa beeniih kay abbay Manowac deqsitah kabrit kaa yoogoqen. Woo kabri Xorqa kee Estool deqsita aracak fanal yan. Samsoon labaatanna karmah Israayilik makaabantuh suge.

Makaabon 17:1

Dumah yan saaku Miika deqsita num suge. Too num dabqah Efrayim rasuk qaleela mango baaxol suge.

Makaabon 18:11

Too saaku toh yoobben waqdi, kedok lica boolih num Xorqa kee Estooluk gaaduh gexen.

Makaabon 18:13

Tokkeek gexeeniih, qaleela mango Efrayim baaxol gacak, Miikâ-qari elle geytima arac yemeeten.

Makaabon 18:3

Woo buxal keenih suge furraynuy Leewih yoobokehiyya, elle yooboke'kkel yaabal kaak yeexegeeniih, kaal amma 'yeeniih, «Akkel maca abtaah? Iyyi koo baaheeh?» kaak iyyen.

Makaabon 18:8

Gibah ruuben mari yuduure saaku, ken ruube ken baaxoh mari xaagu keenik abeeh, «Maca tubleenih temeeten?» keenik iyyen.

Makaabon 19:1

Israayil mari malik luk suge wee dabaanal, uli Leewih yooboke num yen. Too num Efrayim-rasuk qaleela le baaxok darre le kabut raqta baaxol buxah yen. Too num Yuudâ-rasul geytinta Beetlacam-magaalak, caggoytâ-gubih caggoyta kaah takke'gidih, baxuwwa bee.

Makaabon 19:18

«Elle sugnem, Yuudâ-rasuk Beetlacam magaalaay; away genxam, ninni baaxo. Baaxo nek Efrayim rasuk qaleela mango exxay xeeruk raqtahiyyal tan» kaak iyye. «Beetlacam fan gexeeh, away inni buxa fan gacah an. Nakme'gidih gaqambooy, maqabah qinab kamri linooh, danoonâ-qayso kinni way ninnih linoh immay, xiinih buxah nee beya mara nableh manan» iyye.