Makaabon 18:14 - NABUWWA KEE MALIKWA

¹⁴ Duma Laysâ-magaala gibah gexeh suge koona num, gaaduh yemeete marak iyyeenimih, «A qarwak qarik teenal lakqok bicsen ceeloy yaqbudeenihiyya tan. Tohuk kalah aki duyyey yaqbudeenihiyya kee rikeek tan saroy sek haysita elle tanik, tahak maca abnam tayse?» iyyen.

Makaabon 18:14 ပူးပေါင်းရင်းမြစ်များ

Hosiqa 3:4

Israayil mari kaadu tonnah malik haysite'kal, abbah num hee'kal, sadgat abe'kal, xeetik bicsen qamidway yaqbudeenihiyya kee Yalla 'yeenih tu elle esseran duyye aalle'kal, mango wakti qambaalak sugelon.

Makaabon 17:5

Miika qibaada elle aba arac luk yen. Yaqbuden duyyey gabak bicseenihiyya kee, rikeek tan saroy sek haysita buxal luk yen. Too duyyey yaqbudeenihiyyah garil gacu waa seekih isi baxa hee.

Makaabon 18:13

Tokkeek gexeeniih, qaleela mango Efrayim baaxol gacak, Miikâ-qari elle geytima arac yemeeten.

Makaabon 18:15

Toh keenik inxicca 'yeenih wadir enkeleelebba 'yeenih Miikâ-qari fan gexen. Tokkel taaxige furraynuy Leewih yooboke geen waqdi, salaamatta kaah abba heeniih, «Mannah tan hay!» kaak iyyen.

Makaabon 8:27

Sarrak Gidqoon woo dahabak rikek tan ceelo bicissi heeh isih elle yooboke Qofra deqsitta magaalal hee. Sarrak Israayil mari Yalla cabeeniih woo ceelo yuqbuden. Taham Gidqoon kee kay buxah maral edde radoonu waan ofloh innah tanim tekke.

1 Samuwel 14:28

Sarrak numuk teeni kaak iyyemii, «Ku abba, ‹A saaku maaqo afah xaginnaan numul abaaro oobele› iyyeh, nee meysiise. Tonna-leemik qululuk gexxaamah maqar cabneh» iyye.

1 Samuwel 19:13

Tohuk lakal buxah addal qibaadah luk sugte gabak bicsen ceelo bahha hayteeh qarkaytô-bagul hayya hayteh, too ceelo sarot uybududda hayteek lakal, amô-ginah wadar dagooruk bicsen barkuma akah hayte.