Makaabon 18:10 - NABUWWA KEE MALIKWA

¹⁰ Wokke guftoonu waytan waqdi ablettoonu'mmay, qeebi net akkeleh bical yan marak masugan. Sin yablen way sin madereeman. Baaxo kaadu kaxxa baaxoy num faxxa haam elle geyahiyya. A baaxo Yalli siinih loowe baaxok, ugutay raaqisa» iyyen.

Makaabon 18:10 ပူးပေါင်းရင်းမြစ်များ

Yacedkel 20:6

Tohuk lakal, ‹Masrik eyyeqqa sin heeh, woo elle sugten baaxok tayse baaxoy niqmatak tanihiyyay ikoytah siinih acayu waahiyya fan sin beeyyo'mmay,

Yoosuwa 2:23

Tohuk lakal taaxige gibâ-mari nammay qaleela-le-baaxok oobeeniih, weeqaytuk tabba 'yeenih Yoosuwa fan yuduuren. Too waqdi tikka 'tem inkih kaah warsen.

Yoosuwa 2:24

Sarrak iyyeenimih, «YALLI a baaxo inkih neh yeceem digga le. Macaay intek, wokkel enna 'ya mari inkih meysih bux nek haak raaqe» iyyen.

Yoosuwa 6:16

Malcinhaytoh adda mermeritta 'yeenih seeka woo baanta toogore waqdi, Yoosuwa isi marak, «YALLI a magaala siinih yeceek, xongola» iyye.

Makaabon 18:11

Too saaku toh yoobben waqdi, kedok lica boolih num Xorqa kee Estooluk gaaduh gexen.

Makaabon 18:27

Sarrak Daan-mari, Miika luk suge duyyey yaqbudeenihiyya kee buxal luk suge sek gabat hayya heeniih, abak sugen safarah Laysa gaaduh gexen. Tokke gufen waqdi Laysâ-maray amaanah yaniih toobbe kee tublek tu-xaagu sinnihiyyat qeebi aben. Magaalal suggu 'ye mara qideeniih, sarrak magaala carriseenih.

Makaabon 18:7

Toh keenik inxicca 'ye waqdi, woo koona num Laysâ-magaala fanah safarte. Too magaala gufen waqdi, magaala yubleeniih; magaalal yan mari hammi sinnim amaanah elle xiinan inna keenik yismiteenih. Saydâ-marak kaxxih, a magaalal yan mari amaanah yeneeniih; ken xagtam mananna. Oson kaadu xagtan mara luk manannon. Mano keenil muquk teneeh; faxxa haanam inkih luk yenen. Laysâ-magaala, Saydâ marih magaalak xeeruk raaqak teneeh; hebeltô-mara luk heen bica kee qalla luk manannon.

Makaabon 18:9

«Akah genxe baaxo nubleeh, meqe baaxoy niqmatak tanihiyyak ten. Akkel foyyah daffeyna ikkalahaa, away sissikuk genxek, baaxo keenik raaqisennok, ugutay labhay nee beya.