Makaabon 17:4 - NABUWWA KEE MALIKWA

⁴ Takkay immay usuk beeh suge taaxige lakqo inal gacse. Kay ina woo lakqok namma boolih garsi beyya hayteeh, lakqok duyye bicsa naggaaral tecee. Too num woo lakqok yaqbuden duyyeeya bicse. Sarrak too duyyeeyay yaqbudeenihiyya Miika buxal heen.

Makaabon 17:4 ပူးပေါင်းရင်းမြစ်များ

Yasaqya 30:22

Dahab kee lakqo bagul akak hayten duyyey aqbuduk sugteenihiyya beyya hayteenih, guddaafa elle qidan gurrah baaxot qidettoonuuh, foocak nek kala 'yaanam axcetton.

Yasaqya 44:13

Yaqbuden ceelo caxxak bicsa num kaadu woo caxxa bahha haah yamittireeh elle yaysaroorocu waa aracat asta akak haa. Sarrak woo caxxa coox edde bicsan birtat missoysaah, sahdayti ceeloy qaxmeqehiyya akak bicsa. Tohuk lakal qarik addal haa.

Cabakkuk 2:18

A xeet kee cooxuy taqbudeeni maca siinih xiqtaah? Tet le marah mannah tanim xiqta? Ah sahdayti isi gabak bicseemi'kkal tu siinih xiqtam hinnaay, deedalak sa akak geytaanam manton. Yaqbuden duyye bicse mari, isi gabat bicseemiy afak yaabe waytahiyyal yaamineh!

Makaabon 17:3

Too lakqo isi inah gacseeh; too waqdi is intemii, «Yi baxa cata'gidih, a lakqo YALLIH sadgatah aceem yol tan. Tonna leemiik a lakqok yaqbuden duyyeeya bicsiiseyyo. Awayah tu gactek, lakqo gacsah koh aceeyyo» inte.

Makaabon 17:5

Miika qibaada elle aba arac luk yen. Yaqbuden duyyey gabak bicseenihiyya kee, rikeek tan saroy sek haysita buxal luk yen. Too duyyey yaqbudeenihiyyah garil gacu waa seekih isi baxa hee.

Makaabon 18:17

Sarrak a koona num qari culeeniih, taaxige ceeloy lakqok bicseenihiyya kee, wohuk kalah tan duyye yaqbudeenihiyya kee rikeek tan saroy sek haysita gabat luk yewqen. Sek too waqdi qari-afal too qaskar luk raaqe.