Makaabon 15:14 - NABUWWA KEE MALIKWA

¹⁴ Laci deqsita arac yemeete waqdi, Filistiin mari waxxaq axcuk arduk kaa fan yemeete. Garciik YALLIH *Roocaaniyya cayla kaat hayteeh, too waqdi caray kee mogoyut axawah kaak suge namma akat gira tokme tafulta elle yargiqen gurral yirgiqe.

Makaabon 15:14 ပူးပေါင်းရင်းမြစ်များ

Miika 7:8

Yarusalaam mari iyyeemih, «Naqboytit nel akah tirtirissam mali. Boolatneh sugne'mmay, YALLI boola nee cabsiisele. Away diteh addat nani'mmay, YALLI noori nel oobisele.

Zakariyya 4:6

Too waqdi woo malaykatti Darabbabelih warsa'gidih, YALLI ruube farmo yol ruube. «Darabbabelow, abba hannaanim gabal kok bicele. Takkay immay toh, qeebit geytu waytam hinnaay, isi qandet geytu waytam hinna; anu koh acayu waa yi roocaaniyyak geytu waytaama. Toh intam yoo YALLAY Nabaamak Nabahiyya.

Makaabon 14:19

Too waqdi YALLIH Roocaaniyya cayla kaat hayteeh; Askalon deqsita arac fan gexxa 'yeh, soddom num qiddaay sara keenik kalla heeh, oson luk sugen qax-meqe sara woo ixig-ixiga yifdige marah yeceeh. Takkay immay tekkeemih naqabu xagarat luk isi abbah buxah yuduure.

Makaabon 14:6

Too waqdi garciik Yallih Roocaaniyya qande kaat hayteeh; gab-qassih anuk, mooti innah, too lubak namma ikkel kure. Takkay immay aham abem isi ina kee abbah mawarsinna.

Makaabon 15:13

Osonuuy, «Aleey, koo maxagnaay uxuyyu koo hayneh ken gabal koo heenno ikkal, koo qide waynaamah xagana koh culla» kaak iyyen. Sarrak qusba akootak nammay tittat uxuyya heenih kaa edde yoxeeniih edde suge gablak kaa yeyyeeqeenih axawat kaa ruuben.

Makaabon 15:9

Tohuk lakal Filistiin-mari qeebih gexeeh, Yuudâ-rasul yinfiddigen. Sarrak Laci deqsitta magaala wararen.

Makaabon 16:12

Daliila qusba akoota bahha hayteh edde kaa toxee. Sarrakaay, «Samsoonow, Filistiin mari kot yemeeteh!» kaak inte. Sahda too qarik gersi golih addat tet qambaalak sugte. Too waqdi usuk woo akoota woo waqdiik gabak isik, tafulti innal, yirgiqe.

Makaabon 16:24

Too waqdi kaxxam yifriceeniih, sarrak «Samsoon nee yaysussuule'gidih kaah neh seeca» iyyen. Oson casbik kaa yeyyeeqen waqdi, ken akah yaysussuule innah kaa absiisen. Kaa yublen waqdi oson yallah lon duyye fayliseeniih, iyyeenimih, «Ni yalli, ni baaxo bayseeh mango mara nek qide numuk nee yiysiiseh» axcuk saare aben. Sarrak qamidwak fanat kaa soolisen.

Makaabon 16:9

Too qarik gersi golih addat tet qambaala mari yen. Is too waqdi anay fayya haak, «Samsoonow, Filistiin-mari kot yemeeteh» inte. Takkay immay usuk woo waqdi woo qarum, gira tafulwat gexxa waqdi duufut elle taggiriqe'nnal, yirgiqe. Tah yublen waqdi, ta numih qande akak tani'kke waagiseenih.

Makaabon 3:10

YALLIH *Roocaaniyya kaal obteeh; too waqdi Israayil ummatak abba yekke. Sarrak Mesbotaamiyah malikiy Kusan-Risqatayim deqsitehiyyah gaaduh gexeeh, YALLI too malikik qeebil kaa yiysiiseh.

Makaabon 5:30

‹Boylah orbisoonu waanamih goranat yanin keeni; baxuwwa takkuu, hinnay kaadu nammayay, qaskarah yacoonu waanah goranat yanin keeni. Nabam meqe saray Sisra yacoonu waanah goranat yanin keeni. Fillah qaxa yeymeeqen bila baahaana'gidih goranat yanin keeni. Fillah bilen saro goranat yanin keeni› 'yaanam isi bagul tucsube.

1 Samuwel 10:10

Saawul kee kay taamat yan num Gibqat gufte waqdi, butta takke nabuwwa kaat garayte. Too waqdi Yallih-Roocaaniyya isi milkih kaa hayte. Sarrak usuk, oson aban diini rigdot ken lih yengeleeh, keenik kaxxih nabuwwah innah yaabe.

1 Samuwel 10:6

Too waqdi garciik YALLIH *Roocaaniyya isi milkih koo heeleeh, atu woo oson diinih aban rigdot ken lih angaletto. Atu kaadu keenik kaxxih nabuwwah innah yaabetto. Too waqdi akah suge wayte num akketto.

1 Samuwel 11:6

Saawul tah yoobbe waqdi, Yallih *Roocaaniyya isi milkih kaa hayya hayteeh, too waqdi bagcarrite.

1 Samuwel 17:35

lakat eredda akak exceh woo anaqto raaqisa. Woo lubak yakku, hinnay kaadu, faxe ala takkeemih yoo fan yenkeleebe kaa tekkek, katlal xabba kaak heeh aatakuk kaa qidak suge.

1 Samuwel 4:5

Woo sandug baahen waqdi Israayil mari farcik gexxaamah baaxo edde engeyya inta xongoloh xongolen.