Makaabon 13:5 - NABUWWA KEE MALIKWA

⁵ Baxi koh yaabuku waa saaku xagorta kaak margaqin. Macaay intek, ubukka 'ye ayrook xabba haanam, *Qahdi-culeyna yekke marih innah, dibuk Yallih taamat gaceleeh, Israayil mara Filistiin marih gabak yayyaaqem qimbisele» teetik iyye.

Makaabon 13:5 ပူးပေါင်းရင်းမြစ်များ

2 Samuwel 8:1

Waqla suggu 'yeenik lakal, Malik-Dawud Filistiin-marat qeebih qagteeh keenik yeyseh. Elle sugen baaxo keenik raaqiseh, abbootan keenik kale.

1 Aydaad 18:1

Waqla suggu 'yeenik lakal, Malik Dawud Filistiin marat qeebi abeeh too qeebil keenik yeyse. Filistiin mari elle suge Gat magaala kee tet dariifal tan mandarwa keenik raaqiseeh isi gabat hee.

Qaamus 2:11

Lab-xaylok nabi yakku waa mara siinik doore. Qahdi-culeyna deqsitta furrayna kaadu sin addak doore. Israayil maraw, toh numma kinnim taaxigeenih!› 'yaanam YALLI iyya.

Makaabon 16:17

Sarrak ellecabol numma teetih warse. Teetik iyyeemih, «Amô-xagorti yok inkinnah makalinnon. Ooboke saakuk xabba haanam, *Qahdi-culeyna yekke marih innah, Yalli-caglita-num ekke. Tonna'mmay amô-xagorti yok yiggiriqek, sinam innah boolaateyyo» teetik iyye.

1 Samuwel 1:11

Canna YALLAH nadri culte. Inteemih, «YALLAW, Nabaamak Naba Dageltaw, yooy ku naqaso kinnihiyya ubuleey! Yi ceya ubuleey! Inti yol hayis! Yoo mamaaqilin. Yi Goytaw, lab-baxa yoh teceek, rabba 'yam fan ku taamat kaa heeyyooh, amo kaak mamoolay, taabakay axceyyo» 'yaanam axcuk YALLAH nadri culte.

1 Samuwel 7:13

Israayil-mari qeebil Filistiin-marak yeyseeh, Samuwel sugem fan Filistiin-mari Israayil baaxo culak masuginna.