Makaabon 12:5 - NABUWWA KEE MALIKWA

⁵ Efrayim-mari akak kuda gita yabbixeeni'gidih, Gilqad-mari Ordon weeqaytuk akak taben afa keenik yibbixen. Efrayim-mari tokkek tabam faxa waqdi, Gilqad-mari tabeenak afal keenih suggu 'yeh, kulli numuk, «Efrayim num maay kinnito?» kaak axcuk sugen. «Aleey hinniyo» iyyekii,

Makaabon 12:5 ပူးပေါင်းရင်းမြစ်များ

1 Malikwa 11:26

Tohuk kalah kaadu, Nabát-Yarobqam deqsita numuy kay gubal doolat taamat yenehiyya kaadu Suleemanak naqboyta yekke. Yarobqam Efrayim kedoh aabakuk yeneeh; elle catem, Dareeda deqsitta magaalak ten. Kay ina Xaruqa deqsitak teneeh; gubnah ten.

Yoosuwa 2:7

Malik mari magaalak ken goranah yewqe waqdi magaalah afa alfeenih. Sarrak malik mari woo gibâ-marih goranah Ordon weeqaytuk akak taban gitah amma 'yaanam fan gexe.

Yoosuwa 22:11

Israayil marak raaqe mari, «Tawayii, Ruuben kee Gaad kee garab yakke Manasseh kedo nee le kabut raaqa Ordon weeqaytih garil Gallot deqsita baaxol sadgat elle aban arac bicsen» yoobbe waqdi,

Makaabon 12:4

Sarrak Yeftac Gilqad marah secca 'yeeh, Efrayim marat qeebi abe. Too qeebil keenik yeyseh. Efrayim mari dumah yan saaku Gilqad marak, «Gilqad maraw, isin Manasse kee Efrayim maray kudeenihiyya kinniton» 'yaanam iyyeenih yenen. Tohuk gexxaamah qeebi keenit aben.

Makaabon 12:6

«Hay, ‹Shibbolet› inxicey» kaak axcuk sugen. Takkay immay hununuh tonnah axce wayya heeh, «Sibbolet» iyye kaa tekkek, Efrayim num kinnim elle kaak aaxaguk yenen. Too waqdi xabba kaa heeniih, Ordon weeqaytu akak taban tabeenal elle kaa qidak yenen. Tonnah abak too saaku Efrayim marak morootom kee namma alfih num rabe.

Makaabon 17:7

Too dabaanal kaadu Leewih yooboke furrayni Beetlacam deqsitta magaalay Yuudâ rasul geytintahiyyal dabqah suge.

Makaabon 3:28

Keenik iyyeemih, «YALLI Mooyab marak qeebil sin yaysiisu waah yani'mmay yoo kataya» iyye. Kaa katayeeniih, Mooyab mari Ordon weeqaytuuk gacca 'yeenih akak tabe raaren arac keenik yibbixen. Tokkel suggu 'yeenih num keenik tabe kalen.

Makaabon 7:24

Too waqdi Gidqoon, Efrayim baaxok qaleela mango rakaakayal tan Efrayimih yooboke marah farmo ruube. Keenik iyyeemih, «Miidiyan marat qeebi abtaana'gidih ama. Ordon weeqaytuk Beet-Baara fan, lee le arooca inkih tabe ken kaltaana'gidih, amaay qeebi keenit aba» 'yaanam keenih ruube. Inkih yan Efrayimih yooboke marih seeco abeeniih; too seecol Efrayim mari Ordon weeqaytuk Beet-Baara fan enna 'ya lee le arooca yibbixen.

1 Samuwel 1:1

Elkaana akak iyyan num yen. Woo num Efrayim kedoh aabakuk yeneeh; dabqah Efrayim rasuk qaleela mango aracal geytinta magaalay Raama deqsittahiyyal yen. Abba kaak Yaroocam deqsitak yen. Yaroocam abba Aliihu deqsita numuk ten. Elkaana Aliihuk baxi baxak ten. Efrayim kedok Xuuf deqsita gulubuk Toocu deqsita buxah marat raaqak yen.