Makaabon 11:36 - NABUWWA KEE MALIKWA

³⁶ Too waqdi is annah kaak inte. «YALLAH nadri akah culteemiy teetik abeyyo intehiyya tellekii, yok ab ikkal mabagbaggoowin; YALLI Qammon-maray naqboytiitih kok yanik, cane koh gacsehik» kaak inte.

Makaabon 11:36 ပူးပေါင်းရင်းမြစ်များ

2 Samuwel 18:19

Saaduk baxi Acimqax Yowabak iyyeemih, «Malik fanah arduk gexxa exceh, YALLI naqboytiitik kaa catem kaah warisu waak, gexu yoo cab» iyye.

2 Samuwel 18:31

Sarrak Kuusuh aabakuk yen num yemeeteeh, malik Dawuduk, «Yi amoytaw, meqe xaagu koh abbixe. YALLI a saaku qeebi kot abam faxak suge marak koo yiysiiseh, umaane abe waytem kok qaddoyseh» kaak iyye.

2 Samuwel 19:30

Mafiboset tohul gacseemih, «Wohim Xiba inkih haysitay; yoh atu muquk tuduurem yoo xiqtah» iyye.

Yoosuwa 12:2

A namma malikik, malikik teeni migaaqah Sicon deqsitak yeneeh; malikih elle yenem, Amoorâ-marih baaxok ten. Too malik dabaaqah elle yenem, Cesbon deqsitta magaalak ten. Gilqad rasuk garab kay xintoh yen. Tohumuu, Arnon Golo deqsita aracak arut tan Qarooqer deqsitta magaala kee woo goloh gudel tan gersi magaalak xabba haanamaay Yabbok weeqaytuy Qammon marih cuduuduh yanihiyya edde anuk tan baaxo gufak ten.