Makaabon 11:29 - NABUWWA KEE MALIKWA

²⁹ Tohuk lakal YALLIH *Roocaaniyya Yeftacal obteeh; too waqdi usuk Gilqad kee Manassê rasu fan gexam gexeeh, sarrak Mixfa deqsitta magaalay Gilqad rasul geytintahiyyah uduurra 'yeh Qammon-marih baaxo fan bisoh gexe.

Makaabon 11:29 ပူးပေါင်းရင်းမြစ်များ

1 Aydaad 12:18

«Yaaxigen Soddomuk» qaskar abba yakku waa numuy Qamaasay deqsitahiyya too marak numuk teenak ten. Too waqdi Yallih *Roocaaniyya kaal obteeh, isi milkih kaa hayte. Too num too waqdi anay fayya haak yaabeeh, «Yiisâ-baxa Dawudow, nanu ku mara kinninoh, ko'lih nan. Yalla kinni ku Dagelti ku qaxat yaniih; amaan kee wagari ko'lih yanay. Qeebil koo cata mari nasri geyay» iyye. Too waqdi Dawud ken arcibiseeh isi qaskarak abbobtih ken hee.

Makaabon 10:17

Sarrak Qammon mari qeebih bical gaceeh; Gilqad deqsita aracal yinfiddigen. Israayil mari kaadu titta lih gacca 'yeh yemeeteeh, Gilqad rakaakayak Mixfa deqsita aracal yinfiddigen.

Makaabon 11:11

Tohuk lakal Yeftac Gilqad-makaabon lih gexeeh; too waqdi Gilqad-mari isinni amoyta kee qaskar-abba kaa aben. Yeftac Mixfa deqsita aracal YALLIH garil ama qangara nammeyhaak qagse.

Makaabon 11:28

Takkay immay Qammon-malik Yeftac ruube farmot maqal mahaysitinna.

Makaabon 11:30

Woo waqdi Yeftac YALLAH nadri culeh iyyemii, «Qammon-marak qeebil yoo tiysiisek, iisa luk inni buxah aduuru waa saaku, yi buxal yot matra'gidih qarik naharat awqinnaan im ku migaaqal sadgatah qideyyo» iyye.

Makaabon 13:25

Usuk Daan-Mafdaga deqsita aracay Xorqa kee Estooluk fanal yanihiyyal yan saaku, YALLIH *Roocaaniyya maqar kaat hayte.

Makaabon 3:10

YALLIH *Roocaaniyya kaal obteeh; too waqdi Israayil ummatak abba yekke. Sarrak Mesbotaamiyah malikiy Kusan-Risqatayim deqsitehiyyah gaaduh gexeeh, YALLI too malikik qeebil kaa yiysiiseh.

Makaabon 6:34

YALLIH *Roocaaniyya Gidqoonul obteeh; usukuuy Abiqederik rade mari kaa elle kataata'gidih, *baanta keenih yoogore.

1 Samuwel 10:10

Saawul kee kay taamat yan num Gibqat gufte waqdi, butta takke nabuwwa kaat garayte. Too waqdi Yallih-Roocaaniyya isi milkih kaa hayte. Sarrak usuk, oson aban diini rigdot ken lih yengeleeh, keenik kaxxih nabuwwah innah yaabe.

1 Samuwel 11:6

Saawul tah yoobbe waqdi, Yallih *Roocaaniyya isi milkih kaa hayya hayteeh, too waqdi bagcarrite.

1 Samuwel 12:11

YALLI too waqdi Gidqoon kee Barak kee Yeftac ruubeeh, ellecabol yoo ruube. Kulli num naqboytiitik sin cateeh; tohuk gexxaamah amaanah xinten.