Makaabon 11:24 - NABUWWA KEE MALIKWA

²⁴ Isin yallah liton Kamos siinih yeceemil elle isbira. Nanu kaadu YALLAY ni Dagelta kinnihiyya neh yecee baaxol dabaaqah sugenno.

Makaabon 11:24 ပူးပေါင်းရင်းမြစ်များ

1 Malikwa 11:7

Yarusalaamak ayrô-mawqa le kabu raqta qalel, Kamos deqsitta umâ-yabulih tan duyyey Mooyab mari Yallih aftok aqbuduk sugehiyya elle yaqbudeeni'gidih arac keenih bicse. Tonnah kaadu, Qammon mari yallah le Milkom deqsittaamay umâ-yabulih tanihiyya elle yaqbudeeni'gidih arac keenih bicse.

Ermiyaas 48:13

Duma Israayil, elle aaminuk yen Beetalat wacarriyya akah iyyen innah, Mooyab mari kaadu ah keenit takku wayta saaku, Kamos akak 'yaanamay yallah loonuhiyyah abak sugen qibaadat wacarriyelon.

Ermiyaas 48:46

Mooyab maraw, sinim tekkeh! Kamos deqsittaamak yalla iyya maray too duyye aqbuduk sugehiyyah ikke tekkeh. Say-xaylo kee lab-xaylo inkih seewah siinik been.

Ermiyaas 48:7

Mooyab maraw, isinni taama kee gaddaliinot kaxxam tekkeleeni'mmay, a saaku wohim siinih xiqtam maliiy; qeebil gacetton. Kamos akak intaanamay yallah litoonuhiyya kee, kay seeka kee kay makaabon inkih seewah orbiselon.

Miika 4:5

Gersi baaxoh mari Yallih aftok gersim yaqbudeeh ken gita kataya. Neh tu gactek, kulli way YALLAY ni Dageltah yani aqbudennooh; kay yab aabbenno.

Yoosuwa 21:43

YALLI, Israayil ummat akak radde ken kaxxa abbobtik, «Siinih aceeyyo» iyyeh kaxxa xagana akah cule baaxo, oson rabeenik sarra keenik rade marah yecee. Israayil ummat too baaxo tibbixe saaku teetil nooken.

Yoosuwa 3:10

‹Waara Dagelti sin lih yaniih, isin bisoh gutuqak elle tamaateenimil Yalli Kanqaanah yooboke maraay, Ciitah yooboke maraay, Ciiwih yooboke mara kee Feriidah yooboke maraay, Girgaasah yooboke maraay, Amoorah yooboke mara kee Yabuusah yoobokeh mara inkih baaxok ayyaaqele. Waara Dagelti ne'lih yanim macal aaxigenno inteenik, YALLAY inkih yan baadak Amoytah yanihiyyah qahdih sandug Ordon weeqaytuk siinik foocak tabselon.

Makaabon 10:6

Israayil mari fiiruk geerah Baqal kee Qastarot deqsittam aqbuduk yeneeh; tonnah kaadu, Suuriya kee Saydaay Mooyab kee Qammon kee Filistiin mari yalla 'yeh yaqbude duyye aqbuduk yeneeniih; tohih sabbatah YALLAL dambi lem baahen. Oson YALLA hawweeneeniih kaa yaqbudeenim cabeenih.

Makaabon 11:23

Tonnal YALLAY Israayil doore Dagelta kinnihiyya isi mara catak, Amoorâ-mara wokkek yeyyeeqeh, ken baaxo isi marih im abe. Hay, ta baaxo gacissaanam faxxaana'nnaa?

Makaabon 2:1

YALLIH malaykatti Gilgal akak iyyan aracaak, Bokim deqsita arac yemeeteeh, tokkel Israayil marak annah iyye. «Masrik sin eyyeqqa heeh sin kaxxa abbobtik, ‹Siinih aceeyyo› exceh xagana akah cule baaxo fan sin baahe. ‹Anu sin lih haysite bical sin mamaka'mmay,

Ruut 1:15

Too waqdi tet ballo teetik inteemih, «Qorfa isi baaxo kee isi taqbudem fan taduureh tanik, atu kaadu uduur» teetik inte.