Makaabon 10:15 - NABUWWA KEE MALIKWA

¹⁵ Israayil mari too waqdi YALLAK iyyemii, «Nanu dambi lem bahneeh; sarrak faxxem nek ab immay, awayih ibak a umaanek nee cat» kaak iyye.

Makaabon 10:15 ပူးပေါင်းရင်းမြစ်များ

2 Samuwel 10:12

Kaadu qagseh kaak iyyeemih, «Agiru tikay digga xic. Ninni mara kee ni Dageltih magaalah nagay yan qeebi abnaama. Ellecabol YALLI isih loowem akkele» iyye.

2 Samuwel 12:13

Too waqdi Dawud nabi Naatanak iyyeemih, «Anu nummah YALLAL dambi baahe» iyye. Sarrak Naatan annah iyye. «YALLI dambik qafu koh iyyeh raba mabta.

2 Samuwel 15:26

Usuk yoo faxe week, isih faxem yok abbaasitu waa kaak; Qahdih-Sandug gacis» kaak iyye.

2 Samuwel 24:10

Dawud ta marih loowok gaba kale waqdi, umam abem kay xagar kaah warse. Too waqdi, «YALLAW, kaxxa dambi lem baaheh aniih, duqur abe waamat aseh anik, qafu yoh ab» iyye.

2 Samuwel 24:14

Too waqdi Dawud iyyeemih, «Anu taway tu edde ceda caalatat anih maana'mmay, sahda yoo digaaltaamak YALLI isi gabat yoo digalsitay. Toh akah axcem, kaxxa racmatta le Dagelta kinnim kaak aaxigeemih axce» iyye.

Yasaqya 26:16

«Ku mari gadaamite saaku, ken digaalteeh adbisse saaku, catoh koo fan yemeeten, YALLAW, isinni bagut dooqa abiten.

Yoonas 2:4

‹Kok exxeereh anih› exce. ‹Ku qibaadah qariy taahirik yani qagisak maay ableyyoo?› exce.

Yoonas 3:9

Tonnal Yalli bagcarra cabba heeh neh racmatak xuwaawam takkeh. Tonnal kaadu rabak cattiimenno» iyye.

Yoosuwa 9:25

Taway nanu edde nanim sin gubak tanih tanikii, siinit ceelinnaanim nek abbaasita» iyyen.

1 Samuwel 12:10

Too waqdi YALLAL cato essereeniih iyyeenimii, ‹YALLAW, ku garil dambi lem bahne. Koo cabba hayneh, Baqal kee Qastarot deqsittam ku aftok nuqbude. Taway naqboytiitik nee cataay; ahaysa koo aqbudenno› iyyen.

1 Samuwel 3:18

Samuwel Yalli kaak inxicca 'yeemik tu kaak maaqurinnay inkih kaah warse. Too waqdi Qeli iyyeemih, «Usuk YALLAK, kay intit taysem abay» iyye.

1 Samuwel 7:6

Oson too waqdi yakkeenimiik wokkel gaaboowen. Lee quleenih, YALLAH mattaco takke'gidih woo lee baaxol caxen. Sarrak too ayro soomuh asen. «YALLAW, dambi lem kol bahneh nan» iyyen. Samuwel makaabantu yekkeh; Israayil fanal sittin-way rada waqdi keenik elle kalak yenem, Mixfa deqsitta magaalak ten.