Makaabon 10:14 - NABUWWA KEE MALIKWA

¹⁴ isin isinnih dooritten duyyeeyay taqbudeenihiyyal weeqa. Gadaama sin tabbixe way too duyyey taqbudeenihiyya sin cattay» keenik iyye.

Makaabon 10:14 ပူးပေါင်းရင်းမြစ်များ

2 Malikwa 3:13

Eliisaq fan yemeeten waqdi, Israayil-malikik iyyemii, «Anu koo macatak, gexay; ku ina kee ku abba fayu elle esserak ten nabuwwa fan gex» iyye. Too waqdi Yooram kaak iyyemii, «Nakke sidiica malikik Mooyab-malikih gubat nee qiddem YALLA» iyye.

Yasaqya 10:3

Hay, Yalli sin digaalu waa saaku macaa abetton? Yalli xer baaxok temeete bala siinil oobisek, maca abetton? Catoh iyya fan ardetton? Teddereenim anket aaquretton?

Yasaqya 46:7

Gexan ikke yelleenik, quukah sunkul beyan. Aracak teenal oobissa haanaah sooliseenih caban. Elle soolisen ikkek tangayyeeh rooci lem hinnaay, gaba tet esgeyya haytam fanah, elle soolisen ikkel elle sugta. Too waqdi, ‹Yoo cateey yoo wadeey! Koo aleelitek› axcuk dooqa foocal akak aban! Too duyye taabbeeh tuk teena elle gacissam hinna.

Yasaqya 57:13

Catô-goranah deero abtoonu waytan saaku, ama yalla axcuk taqbuden duyye sin cattay! A duyye caacay duufut beele. Takkay immay reebuh yoo eleelite mari, xagana keenih akah cule baaxol gaceloonuuh, yi qaril yoo aqbudelon» 'yaanam iyyah yan.

Ermiyaas 2:28

Anu siinik axceemih: Yalla akak intan duyyey isinni gabak bicisseenihiyya ankel tan? Ta duyyey yalla akak intaanahiyya mangah sin magaaloolik madagok, gadaamittaanaah caalat siinil uma waqdi, sin akah cate waytam macaay? Sin edde wadan dudda maay lon?

Yacedkel 20:39

YALLAY Mulki lehiyya kaadu iyyeemih, «Taway Israayil maraw, xeet kee cooxuk bicsen duyye taqbudeenim ableh ani'mmay, tamahat geytaanam ablettoonuk abbaasita. Tamahah, gexak teneeniik, yi amri duudusettoonuuh, xeet kee cooxuk bicsen duyyeh abtan sadgootak aadetton. Yi migaaqay taahirik yanihiyya nadaasa mabtan.