Makaabon 1:33 - NABUWWA KEE MALIKWA

³³ Naftaali kaadu Beet-Semes kee Beet-Qanat deqsitta namma magaalal suge mara mayyaaqinnoonuuy, yanoonay ken iyyen. Too kedo woo baaxoh yooboke Kanqaan mara cabeenih mayyaaqinnoonu'mmay, isinni taamah ken dirkisak isinni taamah mara ken aben.

Makaabon 1:33 ပူးပေါင်းရင်းမြစ်များ

Yoosuwa 15:10

tokkeek Baqala magaalak ayrô-culmat raqta baaxo gexxa 'tam gexakaa, Edom rasuk qaleela mango arac fan gufa. Tokkeek cuduud keenik Yaqarim qaley a saaku Kasaalon deqsittahiyyak kilbat fan gexak raaqa. Too qalek obba 'yaah Beet-Semes magaalak bisoh gexak Timna deqsitta magaalal yamaate.

Makaabon 1:30

Dablon mari kaadu Kitron kee Nahlol deqsitta namma magaalal suge Kanqaan mara mayyaaqinnoonuy, yanoonay iyyen. Takkay immay dirkih isinni taamah mara ken abeeniih; keenih taamitak elle raaqen.

Makaabon 1:32

Woo baaxoh yooboke Kanqaan mara baaxok mayyaaqinnoonuuy; tonna-leemiik too mari too magaaloolil ken lih anuk yenen.

Makaabon 1:34

Amoorah yooboke mari, Daan-mara qaleela mango baaxo fanah dirkih ken gacseeniih, tokkeek addah booxaaxih tan baaxo fanah oobe ken kalen.

Makaabon 1:35

Amoorah yooboke mari Ceres deqsitta Qale kee Ayyaalon kee Saqalbim deqsita aracal elle raaqen. Takkay immay Efrayim kee Manasseh yooboke mari reedah amol keenik gacca 'yeenih, ken dirkisak isinni taamat ken heen.