Makaabon 1:21 - NABUWWA KEE MALIKWA

²¹ Benyam marah tu gactek, Yabuusah yooboke maray Yarusalaam addal sugehiyya woo magaala yibbixen saaku mayyaaqinnon. Tonna-leemiik Yabuusâ-mari, Benyam-mara lih too magaalal elle raaqen.

Makaabon 1:21 ပူးပေါင်းရင်းမြစ်များ

1 Aydaad 1:14

Kalah kaadu Kanqaanak raddem, Yabuusa deqsita maraay, Amoora deqsita maraay, Girgaasa deqsita maraay,

1 Aydaad 11:4

Ayrok teena Malik Dawud kee inkih tan Israayil ummatta, Yarusalaam magaalat qeebi abta'gidih gexxe. Too saaku Yabuusa akak axcuk yenen kedoh yooboke mari woo magaalal dabaaqah yeneeh; magaala kaadu migaaqah Yaabus deqsitak ten. Yabuusâ mari woo baaxol naharak nooke marak ten.

1 Aydaad 8:28

Too mari inkih gulubwah saqoltih yen maraay; Yarusalaamal daffeyak yenen. Ken migooqa kitaabal tunkuttubeh ten.

Yoosuwa 15:63

Tonna'mmay Yuudah yooboke mari Yarusalaam addal yen Yabuusa deqsita mara woo magaalah addak yayyaaqoonu maduudinnon. A saaku fanah woo mari woo magaalal ken lih dabaaqah yanin.

Makaabon 1:22

Efrayim kee Manasseh yooboke mari, Beetal deqsitta magaalay dumah Luud deqsitak tenehiyya yabbixeenim faxen. YALLI woo gaadul ken cateh. Sinam gibah woo magaala fan ruubeeniih;

Makaabon 1:27

Manasseh yooboke mari, Beet-Saqan kee Taqnak kee Door kee Yiblaqam kee Magiddo kee wohih dariifal tan gaandoodil suggu 'ye mara mayyaaqinnon. Kanqaan mari tokkel elle raaqe.

Makaabon 1:8

Yuudah yooboke mari Yarusalaam magaalat qeebi abeenih, woo magaala woo qeebit yibbixen. Magaalal suge mara qideeniih, magaalat gira ruuben.