Hosiqa 9:1 - NABUWWA KEE MALIKWA

¹ Hosiqa iyyeemih, «Israayil ummatey, qiidih assan saaku diini-maleela akah abta'nnah maabinaay; kaxxam ruffa maxcina. Isinni Dageltak texxeereeniih, kaal luk sugten imaan siinik yeerreeh; qusbih orbisen daro kee caffa tittak elle meexxan aroocal, migaaqah Baqal akak intaanamay raabitteenihiyyah qibaadat gacten. Daro Baqal siinih yeceem takkalen; yoo cinten.

Hosiqa 9:1 ပူးပေါင်းရင်းမြစ်များ

Yasaqya 17:11

Woo coox daabissen ayrok ciggilta ayrot yambeeh qobor baaha way, akak orbissaanam manton. Takkay immay gadaama kee akak ure waan biyak siinih baahele.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 2:20

«Israayil ummatey, yi yab dumaak cinten. Yi amri cinteeniih, ‹Koo manaqbuda› inten. Too waqdi qaleelah amo kee kaxxa cooxih gubal, niqmat neh baahele akak intan duyye qibaadat gacak, dalwa abten.

Ermiyaas 44:17

Ninnih abnam faxak sugnem abenno. Duma nee kee ni kaxxa abbobtiiy ni malikwa kee nek saqoltih yan mari, Yuudâ-magaalooli kee Yarusalaam gitittel, gannat-malikáh faaroh qinabak bicsen kamri baahak sugeeniih, teetih sadgat elle abak sugen innal, nanu ta saaku uxih tonnal abenno. Toh abak nen saaku gaddaloolah sugneeh, buxa nek niqmatah sugte. Waynaah akak ceyinnam luk masuginnino.

Yacedkel 16:15

«Takkay immay a litoh tan qaxa kee migaq-gexxo isik ubulla hayte waqdi, kol amaatinnaan numih mareyta takkem bahte.

Yacedkel 16:30

«Yoo YALLAY Mulki le kok axceemih: ‹Kaxxam walfitak, wacarriye wayta xiiqareh-xiina akah abta'nnah, wacarriyih taniimit asse.

Yacedkel 20:32

« ‹Isin aki rasih maray xeet kee coox yaqbudehiyyah innah gactaanam faxxan. Toh inkinnah matakka.

Yacedkel 21:10

Kaa abak yenen arbaqiyyat sinam qidimih bical yan. Kaat abeenih yanin duugoh cankaxi innah liliq iyya. Yi marak maabina 'yeeniih digaalooli keenit tekkeeh; tohuh akah maaduurinnon. Ruffu 'yaanam gaba kalteh.

Hosiqa 10:5

Samaariyal yan mari dahabak bicsen dahaltuy yaqbudeenihiyyay Beet-Awenil yanit takku waytaamak meysitak yanin. Keenik baysoonu waan saaku, rookitelon. Woo daheltih ceeloh baahan sadgat gabal akak acayuk sugen seeka, woo ceelo le nabna kasitak kaat tekke baatih boogisele.

Hosiqa 2:12

Tet qinab xala coox kee tet sublâ-cooxuy is, ‹Yi mareytit yoh tecee› akak intahiyya teetik bayseyyo. Qinab coox kee bustaan elle tuysubuke arooca garbo teetik abeyyo. Too cooxuy qinab xala kee bustaan alluwwa baysele.

Hosiqa 4:12

Caxxak-kuren-exxa, Yallak tu keenih bahtam yakkalen. Caxxi oson faxaanam keenih warselem yakkalen. Ken Dagelta cabba heenih, kacoobuh lon kacanu kee, xeet kee cooxuk bicsen duyyet aban qibaada, makot ken beyte.

Hosiqa 5:4

Hosiqa iyyeemih, «Ummat abtam Yalla fan adaari ken haytah matan. Oson xeet kee cooxuk bicsen duyyeh abak sugen qibaada Yallak ken teyxeereh. YALLA yaaxagoonu cineenih.

Hosiqa 5:7

Oson xalan xaylo ilmu kinnuk, YALLA lih luk sugen xagana makeenih. Tohih sabbatah ken kee oson elle sugen baaxo alsi-bilot bayele» iyye.

Qaamus 3:2

YALLI iyyaamah, ‹A addunyal enna 'ya marak inkih addak dooreeh dacrisam siini. Tonna-leemiik abba haytan dambih sin akah digaalu waam, toh kinnim ixiga› siinik iyya» keenik iyye.

Qaamus 4:5

Ahaysa wadir maxcina! Candi gacsah Yallih sadgatah bahtan gaqambok maadayinay baaha! Ahak kalah sadgatah bahtaanamal tirtirisa. Toh hinnaa, isin kaxxam edde takkaleenim!» 'yaanam keenik iyya.

Qaamus 6:13

« ‹Lodabar magaala nibbixeh› axcuk elle tirtirissan. ‹Karnaayim magaala ninni qandet nibbixe› axcuk hidah elle rabtan.

Qaamus 8:10

Qaffaydah abak tenen farcatih aftok rookitetton. Saxxaq elle abak tenen ikkel, boogisetton. Dubuk lon baxi akak rabe xaleenah innah boogisettoonuuh, amo isinnik molla hayteenih *qabuudut sartanah gacetton. Too ayroh ellecabo mameqeey, qeero siinit aallele.