Hosiqa 8:13 - NABUWWA KEE MALIKWA

¹³ Yi migaaqal sadgatah saq qidan. Qiden saqih cado yakmen. Takkay immay yooy YALLA kinni ken inqibeh, ken faxah maan. Oson baahen dambi aaxaguk ken akah digaaleyyo. Akak yemeeten Masri fan ken gacseyyo.

Hosiqa 8:13 ပူးပေါင်းရင်းမြစ်များ

Yasaqya 1:11

YALLI iyyamaa, «Isin, ‹Yallah abna› axcuk abtan mango sadgoota yot tu xiqtam maay takkalen? Isin, sadgatah abna axcuk, cado akak cararissan illih sadgat kee aroodissen saqih xayta akak carrissan sadgatak cayyeh. Laa kee illi kee wadar qabalay kulli way caxxaanahiyyat ruffu maxca.

Ermiyaas 14:10

YALLI tohuk a maral gacseemih: «Yok kudaanaah umaaneh abittok isinni nabsiyya maraaqisan. Tonna leemiik ken inqibeeh, aben umaane keenit macabay, ken akah digaaleyyo» 'yaanam iyye.

Ermiyaas 6:20

Saba deqsita rasuk yoh bahtan qaydarusut anu maca waah? Hinnay kaadu, xer baaxok bahtan qibaadah-haan-sukutit faxam mayyu. Yoh bahtan sadgoota yi garil oggol siinih mali. Cado akak carrisan sadgatay yoh abtaanahiyya siinik mafaxa» 'yaanam siinik iyye.

Yacedkel 29:16

Israayil tohuk wadir ken catol kibaal haanamak raaqele. Israayil, Masrik ellecabo tabalu wayta saaku, Masril hayteh sugte kibaal qellat kinnim isik aaxigele. Israayil mari YALLAY Mulki lehiyya kinniyom, too saaku yok aaxigele» iyye.

Hosiqa 11:5

Tohuh, yol aduure cineenih. Tohuk gexxaamah, Masri fan ken gacseyyo. Assuuriyah mari keenil ackumele.

Hosiqa 12:11

Gilqad deqsita aracal kaxxa umaanet asa mari ambaxele. Gilgal rasul awurwa sadgatah qidaanah immay sadgat elle aban arac gubbik bagul gaaboysen qalum akkele» iyye.

Hosiqa 4:9

Sinaamak kaxxih digaala siinit akkele. Sin inkih digaaleyyooh, abba hayten umaane siinil gacseyyo.

Hosiqa 5:6

Yallih sadgatah illi kee laa qideloonu'mmay, toh tu keenit mahayta. YALLI ken cabeh ikkal, kaa mageyan.

Hosiqa 6:6

Anu siinik faxam, kulli way yoo takcineenimi'kkal, saq sadgatah yoh qiddaanam hinna. Anu inni marak sadgatah qiden saqih xayta carrisaanah qaydarus ruubaanam hinna'mmay, yoo akah yaaxigen innah keenik faxa.

Hosiqa 7:11

Israayil mari hawri cabeeh, kimbir innah meekita. Way catoh Masri mara fan yardeeniih, way kaadu Assuuriyah mara fan yarden.

Hosiqa 7:16

Yoo cabba heenih, yoo akke sinniimiy hebeltohim xiqe waytah qibaadat gaceenih, makot tan gaysey tu anfiqe wayta yekken. Ken abbobti kaxxam kaxxiinitta'mmay, uma rabah rabeloonuuh, Masri mari keenil anqaasah rabelon» iyye.

Hosiqa 7:2

Anu oson abba heen umaane aaxigem mayaaxigan. Oson abba heen dambi marot ken yabbixe. Oson aban taama yok maqellitta» iyye.

Hosiqa 9:6

Ken baaxo bayisu waa saaku, yasillimu waa mari Masri baaxol gexeleeh, magaqah Moofu deqsita aracal ken aaguqelon. Oson duma yedderen qado-lakqo elle luk sugen arooca kee, dabaaqah edde sugen buxaaxi elle ten aroocal, keenik waaqex kee sissib aabukele.

Hosiqa 9:7

«Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.

Hosiqa 9:9

Gibqa deqsita rasul akah abak sugga iyyen innah, umaanet badih innah sutta 'ten. Yalli isin aben dambi uxih digga haah, uxih mahawweeninnaay, sin dambih sin digaalele» iyye.

Qaamus 3:2

YALLI iyyaamah, ‹A addunyal enna 'ya marak inkih addak dooreeh dacrisam siini. Tonna-leemiik abba haytan dambih sin akah digaalu waam, toh kinnim ixiga› siinik iyya» keenik iyye.

Qaamus 5:22

Cado akak carrisan sadgat kee, daro yi migaaqal sadgatah bahtan way, anu siinik moggola. Gablusen saqih sadgat siinik moggola.

Qaamus 8:7

«Tohuk gexxaamah, YALLAY Yaqkuubuk-rade-mari-yassakaxxehiyya isi migaaqal xiibiteeh, iyyemii, ‹Sin taama aaxigeeh, mahawweena.

1 Samuwel 15:22

Samuwel iyyemii, «Hay meqehik, YALLI, amri kaak oggolaanam kee, kay sadgatah saqa qidaanamak macah lafitam kot celtaa? YALLIH garil kay sadgatah gabul le maruw qidaanamak, usuk iyyem abaanaah kay yaabat maqal haanam muxxo le.