Hosiqa 7:14 - NABUWWA KEE MALIKWA

¹⁴ Afqadook yoo maqbudinnon. Dooqa aban waqdi, gitat tet maaban. Takkay immay daffa 'yeenih diini-maleela akah abta'nnah, waxxaq axcukuuy boogisak aban. ‹Baaxol daro kee qinab nee mawaysiisin› axcuk dooqa aban waqdi, diini-maleela akah abta'nnah, xagar isinnik qanxisan. Yoo cineeniih darre yot caben.

Hosiqa 7:14 ပူးပေါင်းရင်းမြစ်များ

Yasaqya 29:13

Yalli iyyamaa, «A mari afak yoo yaynabem ceela'mmay, afqado keenik yoo matassanabba. Oson yot aban qibaada yi garil hebeltô-maqna mali. Diinih loonum, sahda teyyeeqe madqa kee abuk-raqtih luk sugen qaada.

Yasaqya 52:5

A saaku kaadu tonnah tanim siinit tekke. Seewah been marah tantoonuuh, wohul yeexegen lakqo matana. Sin amol reedah yan mari yol tirtirisaah, ‹Nanu abnu waynaamow› iyyan. Inkih tan ayro yoo xaafak assan.

Yasaqya 65:14

Yi naqoosa africele; qililo kee gad abelon. Siinih gactek boogisetton; niya addigille siinik le; boogisetton; weeqe liton.

Ermiyaas 12:2

Yi Dageltaw, caxah innah atu ken daabisseeh; oson kaadu ragid baahen. Caxa saadda waqdi xaylo elle xalta'nnal, dadlaanaah xaylo xalan. Kulli way migaq kok ugsaanah immay, niya koo fan malon.

Ermiyaas 3:10

Toh abak suggu 'yeenik lakal, Yuudâ-mari yol yaduurem ceele'mmay, woh nummâ-madaarak masuginna. Tah intam yoo YALLA› 'yaanam siinik iyye» keenik iyye.

Hosiqa 13:16

Samaariyah mari yi yab cineemih sabbatah, digaala keenil tamaate. Xaylo keenik carbit rabele. Qunxa urri keenik xeetil tafqelon. Bagut le agabuk bagu fakelon» iyye.

Hosiqa 13:6

Takkay immay niqmatak tan baaxo culten saaku, faxxaanam geyteeniih cayteenih; kaxxiina siinit hayteeh yoo hawwenteenih.

Hosiqa 13:9

Israayil ummatey, sin bayseyyo'mmay, num sin macata.

Hosiqa 3:1

YALLI kaadu Hosiqak iyyeemih, «Gexay woo mareyta lih dalwa abta barra fan gexay, tet kicintom teetih waris. Anu Israayil mara uxih akah kiciyyo innah, atu tet takcinem kol tan. Israayil mari yalla akke sinni gabat bicsen duyyeh sadgatah qinab-xayloy kafseeni yeceen immay, tohuh, ken kiciyyoh» kaak iyye.

Hosiqa 8:2

Israayil mari, ‹Ni Dageltaw, nanu koo naaxigeh› yok iyyaanah immay,

Qaamus 2:8

Yi qibaada elle aban aracal mago tagdiyu teffere masaakiinak damaanatah been sartanal xiinih gacan. Yooy ken Dagelta kinnihiyya elle yaqbuden qaril, mago edde lon marak magoh aftok meklah been kamriy qinabak bicseeni yaaquben.

Qaamus 8:3

« ‹Yi cokmih ayro, malik qarih addal yakke saxxaq, weeqa keenil akkele. Mango marih ginaada kulli aracal qangalaylut raaqele. Raysitte kulli ikkel mamaxxaage sinnim qidimih sugele›. Tah intam YALLAY Mulki lehiyya.

Miika 2:11

A mari faxam dirab keenil yecee nabiy ken duquurusa. ‹Qinabak bicsen kamri kee kamri darah innah siinih caxitele› keenik iyya nabi faxan» 'yaanam siinil gacse.

Zakariyya 7:5

«Seeka kee ummattak inkih intaamah: ‹A dabaanah malcina-tabanih liggidih gide, kulli sanatak konoyhaytoh alsa kee malcinhaytoh alsih addat abak sugten inki-inki ayroh soom akah abak sugteenim, yi nabna hinna.

Makaabon 9:27

Qinab xala cooxih adda gexeeniih, qinab ifiillaay qinab kamri akak bicissa heenik lakal, isinnih elle yaaminen yallah lon duyyeh qibaada elle abaana'gidih bicsen qari gexeeniih, tokkel yokmeeniih, yooqoben. Abimalik baaheemil kaa abaarak kaat yaaben.