Hosiqa 6:8 - NABUWWA KEE MALIKWA

⁸ Gilqad deqsitta magaala, umeynit kee biileenit dabaq tekke.

Hosiqa 6:8 ပူးပေါင်းရင်းမြစ်များ

2 Samuwel 20:8

Gibqon magaalak ‹Kaxxa Boolo› deqsitta ikke gufen waqdi, Qamaasa geen. Too waqdi Yowab qeebih tikiyal sugeeh, sibat yan seefiy bagi qarumut axawah yani, bagul tikiyal luk suge. Bisoh kaa fan gexak suge waqdi, too seef sibak kaak rade.

2 Samuwel 3:27

Abner Cebron-magaalah-culmeyna gufe waqdi, Yowab giti qaxa garayah kaa beyam cella heeh gile bagut kaak hee. Abner, duma Yowab toobokoytay Qasahel deqsita qideh sugeemih sabbatah, tonnal rabe.

1 Malikwa 2:5

«Tohuk kalah koh warsam liyo» kaak iyye. «Toh macaay intek, duma Yowab yol baahem taaxigeh. Israayil qaskarih abbobtik namma num qidem kassa koo. Nér-Abner kee Yetér-Qamasa qiddem kaa. Qeebi addat ken maqidinnaay, baaxo wagarih tan saaku, loowitiik ken qidem atu isih kassittah. Tu baahe wee mara annaak qide. Usuk abe umaane kay fillal raqtaah akah biyaakitam kaal tan» iyye.

Ermiyaas 11:19

Yi naqboytit, ricidih beyan marqay is beyan ikke gexahiyyah innah, yoo qidaana'gidih yoo beyaanam faxaanam YALLI yoh warse. Anu toh aaxaguk masuginniyo. ‹Caxa saade'kal akah yargiqen innah, wadiriik kaa kase waana'gidih, a num a waqdiik qidnay› axcuk, yi qidimil malisak sugen. Anu ta umaanet yoh yaniinim keenik aaxaguk masuginniyo.

Hosiqa 12:11

Gilqad deqsita aracal kaxxa umaanet asa mari ambaxele. Gilgal rasul awurwa sadgatah qidaanah immay sadgat elle aban arac gubbik bagul gaaboysen qalum akkele» iyye.

Hosiqa 12:12

Nanu akak radne ni kaxxa abba Yaqkuub isi baaxok kudeeh; Mesbotaamiya fan rihim goranah gexe. Tokkel barra geya'gidih taamitak, illi-duwat suge.

Hosiqa 4:2

Xagana akah culeenim maduudusan. Diraabat yaaban. Sahda qidan. Garqa abaanah dalwat asan. Biili biiluk yembeggeh. Sahda kulli ayro titta qidak assa.

Hosiqa 5:1

«Seekay, ankacisa. Israayil ummatey, axcem oobbeya. Malikwa kee keenih ramad le maraw, edde yaaba yab ayti yoh acuya. Abtan cokmi qadaalatat abtaana'gidih, siinil yontocowweh immay, woh maabinnitoonuuy; tonna leemiik isin abba haytan cokmi siinil aduurele. Mixfa deqsita aracal, sahdah oflo tekken. Taabor qaleh amol, sabakat kullum elle yabbixen innal sahda tabbixen.

Miika 7:2

Baaxô-bagul yaaminen num maraaqinna. Yallal imaan haa num mayana. Num numtin qidimih raarisa. Kulli num isi baaxoh numuh alluwwah innah admoh gexa.

Yoosuwa 21:38

Gaad-kedok affara magaala keenih yeceen. Tohumuu, Gilqad rasul tan Raamot magaalay megloh heenihiyya kee Macanaayim kee Cesbon kee Yaqder kee woo magaaloolih dariifal tan lacti malaalah baaxo inkih keenih yeceen.