Hosiqa 5:9 - NABUWWA KEE MALIKWA

⁹ Israayil ummatey, digaala siinit edde takku wayta ayro xayih. Israayil foyya akkele. Israayil ummatey, tah nummaak takku waytaama» iyye.

Hosiqa 5:9 ပူးပေါင်းရင်းမြစ်များ

Yasaqya 37:3

Malik keenil ruube farmo kaah warseeniih iyyeenimii, «Malik ku fanah farmo nel ruubeeh, nek iyyemii, Nabi Yasaqyak, ‹A saaki nek biyak ayrooy; digaala net tekkeh tan. Addat akak nanim, qaybih taniimi; lacawat tan barray xaltu taffarehiyya nekkeh nan.

Yasaqya 46:10

Sarra takku waytam dumal elle warseh suge. Sarrî-dabaanal takku waytam naharal elle sin iysixxigeh suge. Anu abam faxam akkele ikkal, raq matalla. Abeyyo inxicca excem abeyyo ikkal, fanat akak maasa.

Yasaqya 48:3

«Takku waytam xer dabaanal elle warseh sugeeh, akkele akah exce'nnah tekke. Tohum, garciik cube waan waqdi, akah takke'nnah abeeh, tekkeh.

Yasaqya 48:5

Tohuk gexxaamah aham takku waytaamat dumaak yaabeh suge. Tohumu, takkeemik dumal naharal akah yaabem, ‹Ah amrisseeh neh abtem, nanu naqbude duyye› axce waytaana'gidi.

Yasaqya 7:16

Woo ayro tamaateemik naharat, woo uma'nnah sin meysiisa namma malikih baaxo sinaamak foyyah raaqele.

Hosiqa 5:12

Irimbi caxa elle baysa'nnal, Israayil ummat bayseyyooh; Yuudâ maral abicte dale innah keenil aameyyo.

Hosiqa 5:14

Israayil kee Yuudâ marat lubak qeebi elle aba'nnal keenit abeyyo. Anu innih rike rikeh kurra ken heeh ken cabeyyo. Ken hirriigisu waa waqdi, num ken macata.

Hosiqa 7:12

Takkay immay kimbir innah oflo keenih qideh, too oflot ken abbixeyyo. Inki ikkel gaabooweenih aben yaabal, ken digaaleyyo.

Hosiqa 8:8

Gersi rasih mari Israayil yunxuqe. Israayil mari gersi rasih marih innal gaceemih, kallak bicsen buutiy yiddigille yekken.

Hosiqa 9:7

«Digaala siinit edde takku wayta uddur xayyooweh. Too saaku siinih taguude digaala siinit akkele. Sin garil nabi duquruuy; Yallih wacyi elle oobe num cissit ane waa numuh tablen. Kaxxa dambit asseenimih sabbatah, nabi kaxxam niqibton.

Qaamus 3:7

Tonna'mmay YALLAY Mulki le kaadu, nabuwway kay naqoosah tanihiyyah takku waytam naharal warse'kal tu maaba.

Qaamus 7:17

YALLI kok iyyem koh warisu waa. ‹Barra kok a magaalal xiiqareh-xiina akkele. Xalte xaylo carbit kok rabele. Ikoytah lito baaxo qaduwwi kok kureenih keefelon. Atu kaadu diini-maleelah yan marih baaxol rabetto. Israayil marah tu gactek, carbit xabba ken heenih seewah ken beelon› 'yaanam iyye» kaak iyye.

Qaamus 7:9

Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.

Miika 6:13

Tohuk gexxaamah abuuruh sin cabbaay, bayissa sin haamih addat an. Toh akah abam, sin dambih sabbata.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.