Hosiqa 4:8 - NABUWWA KEE MALIKWA

⁸ Yi mari abah yan dambi kalootuh orba sadgat siinih gaddaliino xale. Tohih sabbatah uxih mango dambit asaanam keenik faxxan.

Hosiqa 4:8 ပူးပေါင်းရင်းမြစ်များ

2 Malikwa 12:16

Edde-asen-qellatih-cakkih-baahan-sadgatih lakqo kee dambi-kalootuh baahan sadgatih lakqo, YALLIH Qibaadah-Qarih-bicsah acayuk masuginnoonuy; seeka isih haysitak sugte.

Yasaqya 56:11

Maaqok cayye sinni kuutah gide. A marih-loynitte kas maliiy tut maradda. Kulli num isit amqinnaanim keenik aba. Bukko kee guqulul adoobitan.

Yacedkel 14:3

«Bani-adantow, ama marih kalbi, gabat bicsen duyyeh qibaadat yufkuneh yaniih; too duyyey dambi lem xalta isinni misinkacal heenih yaniinik, anu tu yoo esseri ken maha.

Yacedkel 14:7

«Israayil marak numuk teena takku, hinnay kaadu ken addat yan allî-baaxoh marak numuk teeni yoo cabba heeh, isi kalbit gabat bicsen duyyeh qibaadat yufkuneeh, too duyyey dambi lem xalta isi misinkacal hayyaay, wadir nabil fayuh yemeetek, yooy YALLAH yani, tohul kaal gacisu waam innih kaa aybulleeyyo.

Hosiqa 10:13

«Takkay immay isin yi yab cinna hayteenih umaane tubqureeniih; woo umaaney tubqureenihiyya orbisitten. Isinni diraabat geyten murtik adoobitten. Toh akah tekkem macaay inteenik, isinni qande kee isinni qaskaray kaxxam mangohiyyal kibalsitteenimih sabbata.

Hosiqa 12:8

Too waqdi afak, ‹Nanu gaddaleela nekkeeh; abne taamal geyneh, makot abnem mannuy dambit maasinnino› iyyan.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Malaaki 1:10

YALLAY Nabaamak Nabahiyya iyyeemih, «Yoh sadgat elle abtan aracal tu xiqe sinni gira urussaanamak, gira akah uruse waytan innah, qibaadah qarih afoofi siinik alfa num geenniyoy faxe raare. Isin abtaanam ruffu yoo mahaytaay; sin sadgat moggola.

1 Samuwel 2:29

Hay tonnal, yi mari yoh baaha sadgatah koo kee ku xaylo inti macah rubtan? Sugay, atu yok isi xaylo mannal tassakaxxeeh? Yi mari baahah yan sadgatih cadok aysinnaan exxah adoobat gabulteenim siinik able waam makkalina.