Hosiqa 4:18 - NABUWWA KEE MALIKWA

^18-19 Qinabak bicsen kamrik cayya iyyan waqdi, dalwa abaanaah farcaan yakken. Meqe migaaqay luk sugeenik qaybik radaanam dooriten immay, kaxxa caacayih gadda akkeloonuuh, xeet kee cooxuy yalla 'yeenih yaqbudeenihiyyah aban sadgatat wacarriyelon» iyye.

Hosiqa 4:18 ပူးပေါင်းရင်းမြစ်များ

Ermiyaas 2:21

Nabam meqe caxay kulsa le qinab akak yaabukeh innah, dooren maray kulsa lehiyya sin abe'mmay, a saaku qamal akak yoome maray yi yab oggole waahiyya tekken.

Yacedkel 16:15

«Takkay immay a litoh tan qaxa kee migaq-gexxo isik ubulla hayte waqdi, kol amaatinnaan numih mareyta takkem bahte.

Hosiqa 4:10

Maaqo geettoonu'mmay, qulul sin macaba. Xalay fayxih, gabak bicsen duyyey yallah litoonuhiyyah qibaadah aracal dalwa abak sugteeni'mmay, xalay mageytan. Macaay inteenik, yoo cabba hayteenih yalla axcuk duyyeeya tuqbuden» iyye.

Hosiqa 4:2

Xagana akah culeenim maduudusan. Diraabat yaaban. Sahda qidan. Garqa abaanah dalwat asan. Biili biiluk yembeggeh. Sahda kulli ayro titta qidak assa.

Hosiqa 9:10

Yalli iyyeemih, «Israayil ummat naharak gee saaku, bacaril tooboke qinab caxah bis luk yenen. Sin kaxxa abbobtiy isin akak raddeenihiyya, coox elle yaabuke waktil naharat xalte *sublaytoh bis luk yenen. Takkay immay Faqor deqsitta qale yemeeten saaku, Baqal akak iyyan duyye Yallah haysiten. Ableh uma qibaadat gacca 'yeenih, uma ceelot aseenimih sabbatah, uma mara yekken.

Qaamus 5:12

Abtan umaane kee dambiy edde taniinihiyya siinik yemeggeh yanim digga haa. Meqe marih amot gactaanaah, xakaake ken kaltaanaah; guqul takmeeniih; masaakiina cakki waysissan.

Miika 3:11

Magaalah abbobti, siinik guqul keenih acinnaan marah, iyyan. Seeka Yallak temeete xinto, maalu keenih acinnaan mari elle faxa innal, barsan. Nabuwwa lakqo keenih yecee marah, takku waytam warsan. Too mari inkih arraabak too waqdi, «YALLI ne'lih yan» iyyan. «YALLI ne'lih yaniih, umaaneh net takkem mali» iyyan.

Miika 7:3

Umam abittol ken celtam matan. Doolat saqolti kee cokmaaba guqul faxxaah, milki le mari faxxa heem aban. Yakkeenimiik sahdak aboonu waanamal malsitan. Isinnih faxaanamah sinam dirkisan.

1 Samuwel 8:3

Tonna'mmay, oson isinni abbah gita kataata marak manannon. Lakqô-fayxi kaxxam luk yenen. Tonna-leemiik sahdak guqul beyak yeneeniih, ummattah yab gitah meklak manannon.