Hosiqa 14:9 - NABUWWA KEE MALIKWA

⁹ Kas le mari a kitaabal yan yaabat radeleeh, afqadot raaqisele. YALLIH giti, cakkik yan gita. Cakki gitat gexa mari kay gita kataatele. Dambileelaay a yaabat baaqid mahaytaay, tohih sabbatah, kay giti adaf keenil yakke.

Hosiqa 14:9 ပူးပေါင်းရင်းမြစ်များ

Yasaqya 1:28

Takkay immay YALLIH yab cina maray dambit asahiyya baysele. Kaa cabba hee mara selele.

Yasaqya 17:8

Isinni gabak bicsen aroocay sadgat elle abaanahiyyal kibaal haak maraaqan. Tonnah kaadu Aseera deqsittaamay yaqbudeenihiyyah astah heenih sugen gurumuuda kee, qaydarus elle qeerisan aroocal kibaal haak maraaqan.

Yasaqya 26:7

«Numma le marih giti meqe. Qadaalatlow, qadli le marah, gita missossah, makok kaltah.

Ermiyaas 29:12

Yoo kallacettoonuuh dooqa abetton. Anu kaadu sin dooqa kee kallaci raabiteyyo.

Ermiyaas 9:12

YALLI a baaxo annal akah kafseeh num ibah elle gexu duude waa bacari akah tet abem macaay? Kasak dudda le numuy ahat radahiyya iyyaay? Aham gersi marah warsaana'gidih, YALLI naharal elle akah warseh suge mari maay yan?

Yacedkel 11:18

Taduuroonu waytan saaku, taaxige gabat bicsen duyyey yaqbudeenihiyya baysetton.

Yacedkel 18:25

«Wonnal, ‹Yalli qadaalat leh mayan› intan. Israayil maraw, ankacca yoo haay, anu abam gitah ane waytam takkaleenih immay, gitak ane sinnim sin taama.

Yacedkel 36:25

Xeet kee cooxuk bicsen duyyey aqbuduk sugteenihiyyah nadaasak taahirrowtaana'gidih, taahirik tan leet sin rifeyyo. Liton nadaasak sin kaqliseyyo.

Daaniyel 12:10

Mango ummatta amqiyyiruk taahirroowele. Uma mari tahat maradaay, akah sugen umeynitih raaqelon. Ahat raddu waytam, kas le mara.

Xafanya 3:5

YALLI Yarusalaamak addal yanih immay, gitah taniimik sa makot tanim aba Dagelta hinna. Maaci maacisek wadir kulli saaku isi ummatah qadaalat lem abaah; tohu'mmay cakki gitak yexxeere mari uma taamah abittok maraaqaanaay, aban umaanek mawacarriyan» iyye.

Zakariyya 10:6

«Yuudâ mara maqar bahsiiseyyo. Israayil ummat umaanek cateyyo. Keenih xuwaawaah; tohih sabbatah ken baaxo ken gacseyyo. Duma keenil baahem edde hawwenna haan maqaane keenih abeyyo. YALLAY ken Dageltah yanihiyya kinniyooh; yoo fanah aban dooqa keenih oggoleyyo.