Hosiqa 14:5 - NABUWWA KEE MALIKWA

⁵ Israayil mara, qabar le baaxo rob elle doogisa'nnal doogiseyyo. Qobor innah wir axcelon. Lubnaan rasih cooxih innah, qande le daabisiyyah ken daabiseyyo.

Hosiqa 14:5 ပူးပေါင်းရင်းမြစ်များ

2 Samuwel 23:4

qamburre sinni wallaqenti bis le; robti lakal tawqe ayroy baaxol qayso taysubukeh gide› 'yaanam iyye.

2 Malikwa 19:30

Yuudâ-rasul baatik saaboh raaqe mari, xaylo xaltaah buxux baaxot akak nagay daabime caxay wir intahiyya akkelon.

Yasaqya 12:1

Too ayro siinik kulli num saare abele. Saareh annah axcetton. «YALLAW, faylise koo liyo. Yoo niqibtom kok eexegeh, darre yot cabtem kok ubleh immay away yoh racmatteh, luk sugte naqabu cabteh. YALLAW, yot niya hayteh tan.

Yasaqya 18:4

Macaay inteenik, YALLI yok iyyaamah, «Dabqih elle an aracal gacca exceh, dahan yan barih saldah innah tibbat ken wagta; laqo takke waqdi tan ayroh innah, tibbat ken wagta» iyyah yan.

Yasaqya 26:19

«Ku marak rabtem anuwwele; ken xagaral rooci gacele. Kabri culteeh diiko nagartem anuwweeleeh, qilila abele. Kafte qayso naafi doogisaah, Yalli rabtem tonnal doogise.

Yasaqya 27:6

Ahak sarra tamaate ayroora Yaqkuubuk samad daabimele. Israayilik ummat saadele; caxâ-miri baad duudusele.

Yasaqya 35:2

Birro kaxxa ubkah aabukele. Bakarroytah ten baaxo farcatah qililisele. Too baaxo Lubnaan le nabna geeleeh, Karmel kee Saaron deqsitta baaxo le qaxa geele. Sahda YALLAY ni Dageltah yanihiyyah-nabna kee qaxa ablele.

Yasaqya 44:3

Macaay inteenik, bakaaritte baaxo allaggoyseyyo; kafinuk sugte baaxol lee darah ruubeyyo. Sin xaylol inni Roocaaniyya oobiseyyo; siinik radda 'ye marat barkat heeyyo.

Yasaqya 45:8

Qadaalat qaraanak robti innah ruubeyyo. Addunya woh raabiteleeh, namma gaba akah garaysele. Yi wadu kee qadaalat teetil reedele. Aham absissu waytam yoo YALLA» iyye.

Yasaqya 57:18

Ken taama ableh immay, innih ken uruseyyo. Innih ken miraaciseyyooh ken cateyyo. Rookat yan marat niya heeyyooh, yok iyyaanam ken afat heeyyo. Xer ikke kee xayi ikkel yan marah inkih, kaxxa amaan aceeyyo. Inni mara innih uruseyyo» 'yaanam iyya YALLI.

Ermiyaas 3:22

YALLI, «Imaan maleelah yan maraw, anu sin urseyyooh, imaan siinit heeyyok, yol uduura» siinik iyya. Ermiyaas iyyemii, «Ummat axcih oobbem liyo. ‹YALLAW, ni Dagelta koo. Nanu koo fan naduureh.

Ermiyaas 32:41

Keenih aba maqaane ruffu yoo heele. A rasuk way akah aarre waan innah, nagay yan daabisiyya keenit abeyyo. Tahamaay, keenih liyoh an xuwaawah abu waama.

Hosiqa 6:3

YALLA naaxagay. Kaa naaxige'gidih, digga innay. Tonnal, barak lakal maaci maacisam akah naaxige'nnah, YALLI nel amaatelem digga hayna. Dabayba kee sugum rade rob baaxo akah doogisa'nnah, YALLI rooci nek aqusbuusele» iyyan.

Miika 5:7

Marin baaxooxal, mango marih addat yan Israayil maray saaboh raaqehiyya, YALLI ruuba naafi qayso akah doogisa innah, too marah tonnah doogiselon. Yalli ruuba rob coox akah doogisa innah doogiselon. Keenik dariifal yan mari barkat keenik geele. YALLA akke waytek sahdal kibaal mahannon.

Miika 7:18

«Kok sa Yalli mayana. A saaku ku digaalak cattiime marah qafu abte. Akak aduure wayta naqabuh matanqiba. Amurruqe sinni kacanu nee taybulluyem koo ruffa hayta.