Hosiqa 14:4 - NABUWWA KEE MALIKWA

⁴ YALLI iyyaamah, «Ahaysa keenit luk suge bagcarra xabbacoowe'mmay yoo fan ken gacseyyooh, baguuk ken akcineyyo.

Hosiqa 14:4 ပူးပေါင်းရင်းမြစ်များ

Yasaqya 12:1

Too ayro siinik kulli num saare abele. Saareh annah axcetton. «YALLAW, faylise koo liyo. Yoo niqibtom kok eexegeh, darre yot cabtem kok ubleh immay away yoh racmatteh, luk sugte naqabu cabteh. YALLAW, yot niya hayteh tan.

Yasaqya 55:1

YALLI iyyaamah, «Kee, bakar le maraw, lee akkel tanik, ama. Kee, lakqo sinni maraw, amay gaqambo gee liton; akuma. Amay, qinabak bicsen kamri kee can, limo sinnim gee liton; aquba.

Yasaqya 57:18

Ken taama ableh immay, innih ken uruseyyo. Innih ken miraaciseyyooh ken cateyyo. Rookat yan marat niya heeyyooh, yok iyyaanam ken afat heeyyo. Xer ikke kee xayi ikkel yan marah inkih, kaxxa amaan aceeyyo. Inni mara innih uruseyyo» 'yaanam iyya YALLI.

Ermiyaas 14:7

Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Ermiyaas 17:14

Too waqdi YALLAK excemii, «Anu candu akah gacsam dibuk kook, YALLAW, yoo wad. Atu yoo waddek, waddiimeyyo. Yoo urus; atu yoo urussek, ureyyok.

Ermiyaas 3:22

YALLI, «Imaan maleelah yan maraw, anu sin urseyyooh, imaan siinit heeyyok, yol uduura» siinik iyya. Ermiyaas iyyemii, «Ummat axcih oobbem liyo. ‹YALLAW, ni Dagelta koo. Nanu koo fan naduureh.

Ermiyaas 31:20

«Israayil ummatey, kulli marak kacanuh akah lafta xayloh yok tanin. Sin gide kacanuh numuh massalliyyo. Isin abtan umaanet yaabah immay, tohuh, sin kasa waqdi siinih xuwaawah. Afqado sin fanah liyooh siinih racmateyyo. Tah intam yoo YALLA.

Ermiyaas 33:6

Takkay immay a baati raagtu wayta baati hinnaay, ahak sarra Yarusalaamak rooci wadeyyooh, luk sugte qaafiyatah tet gacseyyo. Kaxxa maqaane kee wagarih tet xiiniseyyo.

Ermiyaas 5:6

Ta umaanek gexxaamah, garboh addak tewqe lubookah gadda akkelon. Bacaril tan suula ken kitittifele. Kabqi oson elle yanin magaaloolih dariifal ilaalisak suggu 'yeh; yawqen waqdi ken kitittifele. Toh keenit akah takku waytam, aban dambi keenik yemeggeh. Ayrok ayro uma taamat qagitak maacisan.

Ermiyaas 8:22

Gilqad deqsita rasul dayli mayana innaa? Daylaaba wokkel ane maay wayta? Dayla aba mari yenek, yi mari dayla akah gee waam macak tan teetiiy?

Yacedkel 33:14

Uma numut umam akkeleemih garci kaah kalek lakal, woo num woo umaane cabba heeh meqe taama fan gacek, rabi cokmi kaal mayamaata.

Yacedkel 36:36

Too saaku a baatik nagay raqte ummatay cuggaaneh siinik tanihiyya, tiddigille magaalooli bicisseeh toomeh tan baaxoy bacari tekkehiyya bicissem yoo kinnim aaxigelon. Yoo YALLAY Mulki lehiyya taham abeyyoomuh xagana culaah, abeyyo» iyye.

Hosiqa 11:7

Yok yaxxeereenim dooriteeni'mmay, fillal keenik hoonu waan quukih catô goranah sahdat xaaqimeloonuuh; yol kaadu weeqelon. Too saaku cato rikek mageyan» iyye.

Hosiqa 2:19

Israayil ummatey, num barral akah rihima'nnah, anu innih sin haysiteyyo. Cakki kee qadaalatat sin xiiniseyyo. Ahaysa kulli way kacanu kee xuwaawat sin xiiniseyyo.

Hosiqa 6:1

Ummat intaamah, «Ahaysa YALLAL nadaaru wayna. YALLI nee biyaakeh immay nee qaffoysele. Nee mudeh immay dale neh urusele.

Xafanya 3:17

YALLAY ku Dagelta kinni ko'lih yaniih, koo waklisa. Yallih cayla nasri geetton. YALLI sin assakootele. YALLI siinih le kacanuh, qusba manoh xiine liton. Ummat qiidit tassa elle intaah, wallitak ruffa elle inta'nnal, YALLI siinih le kacanuh, qililisak, tassa axcele. YALLI siinik iyyaamahaa: «Aysa baati sin mageyta; ahaysa qaybik maraddan.