Hosiqa 14:3 - NABUWWA KEE MALIKWA

³ Assuuriya nee macatta. Carbi faaris catoh tu neh maxiqa. Ahaysa gabak bicsen duyyek, ‹Ni Dagelta› m'inna. YALLAW, qayxiixah racmata Dagelti dibuk koo› inxica» keenik iyye.

Hosiqa 14:3 ပူးပေါင်းရင်းမြစ်များ

2 Aydaad 16:7

Too dabaanal, Canaani deqsita nabi malik Aasal yemeeteeh, kaak iyyeemih, «Atu YALLAY ku Dagelta kinnihiyyal hinna'mmay, Suuriyah malikih qaskaral kibaal hayteemih, Suuriyah malikih qaskar kok tisillimeh.

Yasaqya 1:29

Too saaku, Yallih aftok xeet kee cooxuk bicseenim elle taqbuden ikkel dooritten garsa kee bustaanat nadaamitetton.

Yasaqya 2:20

Too ayro dahab kee lakqok bicsen duyyey yalla 'yeenih aqbuduk sugeenihiyya baaxot qideloonuuh; woo duyye elle qiden arac gablâ-kimbir kee hantuuti-dabqi akkele.

Yasaqya 27:9

Tonnal dambi keenik katele. Israayil mari edde ase umaanek qafu geen saaku aham akkele: sadgatah xeetik bicsen mansaf, bardak bicsen xisneh innah, iggilla heelon; riira akkele. Aseeral yaaxigen gurmuuday qibaada akah abak sugeeni, qaydarus elle ruuban mansaf soolak maraaqa; bayele'kkal.

Yasaqya 30:16

Tohih aftok isin, «Kaxxa arda le faariisit gacca 'neeh kudenno» inten. Nummah kudetton! Sin faariisa kaxxa arda lem takkaleeni'mmay, ama lakak sin yayradde mari siinik aakumele.

Yasaqya 30:2

Anu faxam yoo essere'kal, Masri fan gexxan. Catoh Masri amoytal kibaal haysitteeniih kaa aleelitten.

Yasaqya 31:1

Masri fan catoh gexa maraw, sin ikke tekkem ixiga. Isin cato Israayil doore Dageltay *kudduusuk yanil messertan; YALLAL kibaal mahaytaana'mmay, Masri-marih-fariisa kee, mango faras-gaariiray oson loonuhiyya kee, ken maray faras-amok-qeebi-abahiyyal kibaal haan.

Yasaqya 31:3

Tonna'mmay Masri mari sinaamak kaxxih sahda ikkal, Yalla hinnoonum taaxigeenimi. Oson lon faaris, gersi faariisak kaxxih akak yaniinim, cado kee xagara ikkal, malayka hinnon. YALLI gaba siinil qidu waa saaku, cato elle essertan mara kee cato essera marak inkih baati sin qambaltam ixiga.

Yasaqya 36:8

«Anu malik Sanceerib afak sin lih yaabu waa. Isin xoxbisa mara akah geyteenik, namma alfih faras siinih baahu waa.

Ermiyaas 49:11

Siinik raqtu wayta qayxiixa yol caba. Anu amo keenik wagteyyo. Sin gubuunuh amo kaadu anu wagteyyo.

Yacedkel 36:25

Xeet kee cooxuk bicsen duyyey aqbuduk sugteenihiyyah nadaasak taahirrowtaana'gidih, taahirik tan leet sin rifeyyo. Liton nadaasak sin kaqliseyyo.

Yacedkel 37:23

Tohuk wadir, anu niqibyo xeet kee cooxuk bicsen duyyeh qibaada kee, dambi abittot nadaasa isinni maaban. Yoo hawwenna heenih abak sugen dambik qafu keenih axceyyo. Ken taahirroyseyyooh; yi ummat akkeloonuuh, anu ken Dagelta akkeyyo.

Hosiqa 12:1

Israayil mari, maaci maacissiy bari tikka 'yam fanah, baatik sah keenih xiqtam alle waytaamat asan. Titta ganaanam kee umaane tittal baahaanam qaada keenik tekke. Masri kee Assuuriyah mara lih bica haysiten» iyye.

Hosiqa 13:2

A saaku inkinnah woo umaanet bisoh gexak gexaanaah, isinni gabak lakqok bicsen duyye yaqbuden. Too duyye gabâ-naggaarinna keenik leh yan mari bicissa haah, sarrak yaqbudeenih. «A duyyeh sadgat aba» iyyan. Laahi ceeloy gabak bicseenihiyya fugtan! Sahdayti isi gabak bicse ceelo wadir mannal fuguta?

Hosiqa 14:8

Israayil maraw, ahaysa xeet kee cooxuk bicsen duyyeh intit yoo tableenim siinik moggola. Dooqa siinik oggoltaah sin dacrissem yoo. Anxax caxah innah sin silaalissem yoo. Eelli haan barkat siinit haytem yoo» iyye.

Hosiqa 2:17

Ahak wadir Baqal 'yaanamih galab xagi tet maha.

Hosiqa 4:12

Caxxak-kuren-exxa, Yallak tu keenih bahtam yakkalen. Caxxi oson faxaanam keenih warselem yakkalen. Ken Dagelta cabba heenih, kacoobuh lon kacanu kee, xeet kee cooxuk bicsen duyyet aban qibaada, makot ken beyte.

Hosiqa 5:13

«Israayil ummat biyaakittu waytaah, Yuudah ummat daleela lem isik tabalu wayta saaku, Israayil catoh Assuuriyah malikil gexele. Takkay immay biyaakak ken macatay; daleelak ken muurusa.

Hosiqa 7:11

Israayil mari hawri cabeeh, kimbir innah meekita. Way catoh Masri mara fan yardeeniih, way kaadu Assuuriyah mara fan yarden.

Hosiqa 8:6

Israayil mari yaqbudem, num gabak bicse duyye ikkalah Yalla hinna. Samaariyal yan mari yaqbude daheltih ceelo bututtukku heelon.

Hosiqa 8:9

Yabti cinah dabookali yekkeeniih, isinnih faxen gitat gexa mara yekken. Assuuriyah rasu fan catô-goranah gexeeniih, doolatwak nee catah guqul yeceen.

Yoonas 2:10

YALLI woo kulluntak, «Yoonas badak afal tuf» iyye waqdi, woo kullunti badak afal kaa tufe.

Zakariyya 13:2

«Too ayro Yalla axcuk aqbuduk sugen duyyey xeet kee cooxuk bicseenihiyyah migooqa baaxok bayseyyo. Tohuk wadir too duyye num kassitak maraaqa. ‹Nabi kinniyo› iyya mara bayseyyooh; nadaasak tan roocaaniyyay ken yaabissahiyya baaxok ayyaaqeyyo.