Hosiqa 13:16 - NABUWWA KEE MALIKWA

¹⁶ Samaariyah mari yi yab cineemih sabbatah, digaala keenil tamaate. Xaylo keenik carbit rabele. Qunxa urri keenik xeetil tafqelon. Bagut le agabuk bagu fakelon» iyye.

Hosiqa 13:16 ပူးပေါင်းရင်းမြစ်များ

2 Malikwa 15:16

Manacem Tirxâ-magaalak amaatuk suge waqdi, Tifsac-magaala inkitanuuk bayse. Tet addal suge mara seleh. Toh akah abem, woo magaalal suge mari gaba yacayu cineemih abe. Tet dariifal tan arooca inkih bayseh. Idqa agabuk kinni way bagu fake.

2 Malikwa 17:18

Tohuk gexxaamah YALLI Israayil-mara yinqibeeh isi garik ken xiiriyeh. Keenik raqtem, dibuk Yuudâ-mara.

2 Malikwa 17:5

Tohuk lakal Assuuriyah-malik Israayil baaxo yibbixeeh, Samaariyah-magaala marot hee. Marot tet abbaxuk sidiica sanat tikka 'yek sarra tet yibbixeh. Tohum, Hosiqa malik edde yekke sagalhaytô sanatak ten. Israayil mara seewah Assuuriya fan beeh, wokkel ken nookise. Garab Calac magaalal nookiseeh, gersi mara keenik Cabor weeqaytih garil Goodan deqsita rakaakayal nookise. Wohuk raqtem kaadu Meediya deqsita marih-magaaloolil nookise.

2 Malikwa 8:12

Cadayel too waqdi, «Yi abbaw, macah weqta?» kaak iyye. Eliisaq kaak iyyemii, «Israayil maral bahtu wayta umaane aaxigeemih sabbatah weeqah an» iyye. Qagteh kaadu kaak iyyemii, «Gaso maroh edde tan magaaloolit keenik gira ruubetto. Furrayna keenik seefit qidetto; qunxa urri-xaylo tafqetto; soolimak xaylo baguk ayyaaqetto» kaak iyye.

Yasaqya 13:16

Xaylo oson abalih ken foocal duubuyak qidelon. Buxa keenik buubelon; agabu keenik cayliselon» iyye.

Yasaqya 17:3

Gasoosa maroh edde tan magaalooli, Israayilik bayeleh; Damaskoh-magaala amô-baxxaaqqa weele. Suuriyah marak rabak raaqe mari Israayil marak kaxxih dago mara akkelon. Taham intam yoo, YALLAY Nabaamak Nabahiyya» iyye.

Yasaqya 8:4

Yooboke awki ‹Yi inay› 'yaanam kee ‹Yi abbaw› 'yaanam afak ayyaaqe'kal yan saaku, Damasko kee Samaariyah mari edderra heem inkih Assuuriyah malik buubele» yok iyye.

Hosiqa 10:2

Afqado keenik makot taniih; too makoh sabbatah, celta digaala keenit akkele. YALLI oson bicsen qibaadah arooca kee xeetik bicsen qamidway yaqbudeenihiyya bututtukku keenik heele.

Hosiqa 11:6

Magaalooli keenik carbit bayele. Magaaloolih afoofi keenik carbit addigillele. Yi mari yoo cineh isit celtem abeeh; tohih sabbatah carbit ken bayseyyo.

Hosiqa 7:14

Afqadook yoo maqbudinnon. Dooqa aban waqdi, gitat tet maaban. Takkay immay daffa 'yeenih diini-maleela akah abta'nnah, waxxaq axcukuuy boogisak aban. ‹Baaxol daro kee qinab nee mawaysiisin› axcuk dooqa aban waqdi, diini-maleela akah abta'nnah, xagar isinnik qanxisan. Yoo cineeniih darre yot caben.

Qaamus 1:13

Qaamus kaadu qagissa heeh iyyemii, «Aham YALLI iyyaama. ‹Qammonuh yooboke mari fiiruk geerah dambi le taama abeenih; tohuk gexxaamah ken digaaleyyom digga le. Carbit Gilqad baaxo abbixenno 'yaanam niyal haak, soonibih yan agabuk bagut tan xaylo yeyyeeqen.

Qaamus 3:9

Qaamus qagseh, «Asdood magaalal tan kaxxa qarwah adda kee Masri rasul tan kaxxa qarwah addal yan marak, ‹Samaariyah xaqul yan qaleelal gaaboowa. Wokkel tan amaan-sinna kee ummat abta umaane wagita› inxicay awadah keenih warisa» iyye.

Qaamus 9:1

Qaamus kaadu qagseh iyyemii, «Goyti sadgat elle aban mansafih xaqul soolah uble. Too waqdi iyyeemih: ‹Dooqa elle aban qarih culmah ranko tangayyem fanah, qari elle soola qamiddu utuk. Butukka haay qari sinaamal akah yaddigille innah ab. Too qari elle yiddigille marak kalih maray raaqehiyya anu seefit seleyyo. Yaawweenimih mayasilliman. Yasillimeenim yakkaleenimih rabak mawaddiiman.

Miika 1:4

Yallih itqat too qaleeli, samqiiti-innah diyaayele. Too qaleelak ooba diyay, leeh innah daqar oobele.

Miika 6:16

Tah akah takku waytam, Malik Qomri kee kay baxa Malik Acab abak sugte uma-taamah amo tibbixeenimih sabbata. Tohuk gexxaamah sin bayseyyo. Sahda inkih sin ilaaqele. Kulli baaxoh mari qunxa intit sin ablele» iyye.

Naacum 3:10

Toh teetih xiqtem maliiy; ellecabol too magaalah mara seewah marin baaxo been. Tet xaylo xaal tafaqqa heenih, baaxot qiden. Teetil abbobtih suge mara silsilatat axuyya heenih beeniih, ken seewah bee mari saami caxxa keenil qide.