Hosiqa 12:9 - NABUWWA KEE MALIKWA

⁹ Takkay immay yoo, YALLAY Masrik sin yeyyeeqehiyya, uxih sin Dagelta kinniyo. Ahak sarra bacarih tan baaxol sugten saaku edde sugten siraaqah sin gacseyyo.

Hosiqa 12:9 ပူးပေါင်းရင်းမြစ်များ

2 Samuwel 7:2

Ayrok teena Dawud, Nabi Naatanak iyyeemih, «Anu akkel, akah table'nnah, innih sariidâ-cooxuk bicsen qarih addal ani'mmay, Yallih Qahdih Sandug uxih siraq addat yanik; ahak maca abam taysee?» iyye.

Qedra 3:4

Kitab elle iyya'nnal Iraawô-Dabih-Qiid deqsita qiid abeeniih, too qiidih kulli ayro lacak faxxintah gide sadgatah qiden.

Ermiyaas 35:7

Kalah kaadu nee akah farriimem tan. Toh macaay intek, ‹Qarwa maxisina. Buqre maabina. Qinab xala coox maysubukinaay maxaamina› axcuk nee farriime. ‹Qarwah kulli way siraq haysita. Dacarsittô-maray akah taniinik makatina. Tonnal mango wakti elle tanin baaxol raagetton› 'yaanam nek iyye.

Ermiyaas 5:27

Kimbir admot yan num, kimbir-edde-haan-qari kimbiirik elle kiba'nnal, too mari kaadu sinaamak buuben duyyek isinni buxaaxi kiben. Kaxxa qande kee gaddaliino akah loonum tohu.

Hosiqa 11:1

YALLI iyyeemih, «Israayil qunxuk yen saaku kaa kicinuk en. Tonna leemiik, inni baxih innal, Masrik addak kaah seece.

Hosiqa 13:4

YALLI iyyeemih, «Anu YALLA kinniyooh, sin Dagelta kinniyo. Masrik sin bahtem yoo. Yook sa Yalli mayana. Sin cattam dibuk yoo.

Hosiqa 2:15

Duma luk sugte qinab xala coox teetih gacseyyo. Gadaamâ Golo deqsitta golo, niya elle moqon golo akkele. Tohoysa baxuwwah Masrik tet eyyeeqe saaku akah yoo oggolte'nnah, yoo oggolele.

Miika 6:4

Masrik sin eyyeeqe. Edde sugten naqoosinnak sin kale. Muusa kee Haaruun kee Miriyam foocat siinik gacteh sin miraacissa'gidih, siinih ruube.

Zakariyya 11:5

Illi xaamita mari, isih faxa saaku, faxah yan ida akkiiy maruw akki usgudda heenih niyya akak aban. Takkay immay tahah ken digaaltam matan. Illi yaylamme mari, ‹Alcamdulillaah nanu gaddaleela kinnino› iyyaana ikkal, qiden lac ken lac kinnih immay akah maxuwaawan» yok iyye.