Hosiqa 12:7 - NABUWWA KEE MALIKWA

⁷ Yalli iyyeemih, «Israayil mari aamanti cabeeh, makot yan miizaanal duyye sinaamah keexan.

Hosiqa 12:7 ပူးပေါင်းရင်းမြစ်များ

Yasaqya 3:5

Mari marat keenik xukkutele. Qunxa urri barah naba mara mayassakaxxa. Tut loowoh suge wee mari, isik naba mara mayassakaxxa.

Yasaqya 56:1

YALLI iyyaamah, «Yi qadaalat elle yan inna tabloonu waytaanah, sin edde catu waa wakti xayiimih sabbatah, qadaalatat taamitaay cakkik tanim aba.

Yacedkel 16:3

Teetik intaamah, ‹YALLAY Mulki lehiyya kok iyyeemih, « ‹Elle toobokem, Kanqaan rasuuy; abba kok Amoorâ-numuuy; ina kok Ciita deqsita marih barra.

Yacedkel 22:29

Baaxol yan mari kaadu, sahda duquurusakaay duyye keenik buuba. Masaakiina kee tu maleelat xukkutaanah. Allî-baaxoh maray addal keenik yanihiyyah cakki mayaaxigan.

Yacedkel 28:5

Tellemmol kaadu kaxxa ixxiga luk sugteeh; tohih sabbatah mango fayda geyte. Tohut geyte gaddaliino kaxxam kaxxiina koo bahsisse.

Hosiqa 14:2

YALLAL uduuray, a dooqa Yallih garil oggol siinik geytay. Dooqah intaanamah, ‹Abba hayne dambi neh cab. YALLAW, sadgatah awurwa koh qidnaamak koo faylisnak, abnah nan dooqa nek oggol.

Ayyuqel 2:12

YALLI iyyaamah, «Away kinni way baguuk toobitaay sooma. Abteenimih weeqay yol uduura.

Qaamus 2:7

Boola leeh, is cata mara sinni tu-maleela tassammeh biyaakittam keenit meqe. Masaakiinah yan mara yassammeh biyaakitam keenit meqe. Baxa kee abba inki baxuwway ken naqasoh tanil yangaleeniih, nammayak fido teetit faxan. Yi migaaqay taahirik yani, too abtol nadaasa aban.

Qaamus 3:9

Qaamus qagseh, «Asdood magaalal tan kaxxa qarwah adda kee Masri rasul tan kaxxa qarwah addal yan marak, ‹Samaariyah xaqul yan qaleelal gaaboowa. Wokkel tan amaan-sinna kee ummat abta umaane wagita› inxicay awadah keenih warisa» iyye.

Qaamus 4:1

Qaamus kaadu qagseh iyyemii, «Gabâ-qaysoh yabbixen laahih innah arooduh gace Samaariyah rasul yan agabow, siinik axcem liyok ankacisa. Boola le maral umam bahtan. Masaakiinat xukkuttan. Gennaaqot sin tabbixe labhak, ‹Gexay kamri neh baaha› intan.

Qaamus 5:11

Masaakiinah cakkit taaqiteeniih, daro keenik dirkih beyya haytaanah, isinnih haysittan. Tonnal, ama gabah oren xeetik bicsitten qarwat buxah magactan. Meqe qinab tuysubukeenih taniini'mmay, tuysubuken qinabak bicissen maqab mataaquban.

Miika 2:1

Miika kaadu iyyeemih, «Deerih gacca 'yeh umam acsubuk xiina maraw, woyyow siinit takku waytaamow! Toh abtoonu duddaanamih sabbatah, maaci maacisa waqdi, xayih bar acsubuk xinten umaanet assan.

Miika 7:2

Baaxô-bagul yaaminen num maraaqinna. Yallal imaan haa num mayana. Num numtin qidimih raarisa. Kulli num isi baaxoh numuh alluwwah innah admoh gexa.

Zakariyya 14:21

Yarusalaam kee Yuudâ rasul maaqo addat akak alaysan buutitte, YALLAY Nabaamak Nabahiyyah qibaadah aban sadgatih taamah, gersi duyyek baxissa heenih rikeek heelon. Sadgat baaha mari baahah yan saqih cado too buutittel alayselon. Tohuk wadir Nabaamak Naba YALLIH Qibaadah-Qarih addal tellemmo aba mari maraaqa.

Zakariyya 5:8

Too waqdi malaykatti yok iyyeemih, «A barra umaaneh ceelallo» yok iyye. Sarrak barrat xukku 'yeh edde sugte kafaqah tet gacseeh, kafaqat alif hee.

Zakariyya 7:9

Kaak iyyeemih, «Yabtam yoo YALLAY Nabaamak Nabahiyya. Anu dumaak inni marah amri eceeh en. Keenik exceemih: ‹Qadaalatah tanim abaay, meqem tittah abaay, tittah racmata.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.

1 Samuwel 12:3

A tableenim yooy; qellat celtaamak tu siinil baaheh sugek, YALLA kee YALLI doore malikih garil yol haysita. Awur akkiiy danan akki akak bee num yenek, hinnay kaadu, ayrise kee hinnay edde xukkuteh suge num yenek, hinnay kaadu, guqul akak bee num yeneeh, tahak tuk teena elle baahe num yenek, yot haysitay kaah mekleyyok» iyye.