Hosiqa 12:10 - NABUWWA KEE MALIKWA

¹⁰ «Nabuwwal wacyi oobiseeh, ‹Yi ummata lih yaabaay, maabina isinni Dageltal uduura keenik inxica› exce.

Hosiqa 12:10 ပူးပေါင်းရင်းမြစ်များ

1 Malikwa 13:1

Malik-Yarobqam, Beetal deqsitta magaalal sadgat-elle-aban-aracal qaydarus qeerisa'gidih soolol yan waqdi, Yuudâ-baaxok-yemeete-nabi, YALLI kaak elle iyye innal, yemeete.

1 Malikwa 17:1

Eliyyas deqsita nabiy Gilqad deqsita rasuk Tisba deqsitta magaalal yenehiyya malik-Acab fan yemeeteeh kaak iyyemii, «YALLAY waaraah Israayil doore Dageltah yanihiyyay anu naqasuh akak anihiyyah migaaqal xiibitah ani immay, anu ahaysa, rob amaatele siinik axceemik dumal, namma sanat akkiiy sidooca sanat akki guffa haam fanah baaxol naafi magaca; rob marada» kaak iyye.

1 Malikwa 19:10

«YALLAW! Nabaamak Naba Dageltaw! Anu kulli way ku taamat aniih, koh dibuk taamita. Takkay immay Israayil mari ko'lih hee qahdi makeeh, ku qibaadah arooca yiggiggileenih ku nabuwwa qidak selli heen. Keenik dibuk raqtem yooy; taway yoo kaadu qidaanam faxan» iyye.

2 Malikwa 17:13

YALLI, isi farmoytit kee nabuwwa, Israayil kee Yuudâ-marah ruubak suge. Too nabuwwa kee farmoytit, «Ummatey, maabitina. YALLI, ‹Yi amri oggola, yi kitaabay sin kaxxa abbobti dabaanaak obtehiyyay nabuwwâ-gabal siinih heehiyya intam aba› siinik iyya» axcuk sugte.

Nacmiya 9:30

Mango sanootal litoh tan sabrih keenil tisbireeh, nabuwwat hayte isi Roocaaniyyah kabuk garci keenih kalak sugte immay, ku ummatta, tohuh, ayti maleelah innah aabbe waytam celte. Too waqdi ken naqboytiitih gabat radoonay ken inte.

Ermiyaas 19:1

YALLI yok iyyemii, «Gexay kallak bicsen buuti xaamay bah. Ummattak idoola kee seekah abbobtih yan mara gabat bah.

Ermiyaas 19:10

Qagseh yok iyyemii, «Too yaabak gaba kalta waqdi, tama ko'lih yan marak foocal ama buuti iggil.

Ermiyaas 25:4

YALLI mango adda isi nabuwwa sin adda ruube'mmay, iyyaanam keenik mankacisinnitoonuuy ken farmot baaqid mahanniton.

Ermiyaas 7:25

Sin kaxxa abbobti Masrik eyyeqqa hee ayro akke fanah, nabuwway inni naqoosah liyo mango adda sin fan ruubak suge.

Yacedkel 17:2

«Bani-adantow, Israayil marah anu taway kok axcem ceelallol keenih waris.

Yacedkel 20:49

Takkay immay, anu too waqdi, «YALLAW, Mulki le Dageltaw, a mari, ‹Sugay, a num kulli way addah af le yaabat ne'lih akah yaabam macaay?› yok iyyaanak, ta farmo bey yok maxcin» kaak exce.

Hosiqa 13:4

YALLI iyyeemih, «Anu YALLA kinniyooh, sin Dagelta kinniyo. Masrik sin bahtem yoo. Yook sa Yalli mayana. Sin cattam dibuk yoo.

Hosiqa 3:1

YALLI kaadu Hosiqak iyyeemih, «Gexay woo mareyta lih dalwa abta barra fan gexay, tet kicintom teetih waris. Anu Israayil mara uxih akah kiciyyo innah, atu tet takcinem kol tan. Israayil mari yalla akke sinni gabat bicsen duyyeh sadgatah qinab-xayloy kafseeni yeceen immay, tohuh, ken kiciyyoh» kaak iyye.

Ayyuqel 2:28

«Sarrak kulli maral inni Roocaaniyya oobiseyyo. Siinik lab-xaylo kee say-xaylo yi farmo sinaamah warsele. Idoola siinik soono sooniteleeh; furrayna siinik sirri innah tanim ablele.

Qaamus 7:14

Too waqdi Qaamus kaak iyyemii, «Anu lac kee subla dacrisa num kinniyo. Nabi hinniyooy, nabuwwal yimixxige marih num hinniyo.