Hosiqa 11:8 - NABUWWA KEE MALIKWA

⁸ Kaadu qagseh iyyeemih, «Israayil maraw, siinit darre cabam yoh mabicta. Siinit takkeemik tibba axcem yoh matakka. Adma deqsita aracak akah abe'nnah, sin maay baysoo? Xiboyimil baahem siinil maay baahoo? Toh baaham maduuday, kaxxam sin kiciyyo.

Hosiqa 11:8 ပူးပေါင်းရင်းမြစ်များ

2 Samuwel 24:16

Too dalkat sahda qidak suge malaykatti, Yarusalaam magaalah mara kaadu edde qidam faxak suge. Too waqdi YALLI a mara digaalaamak qaadeeh; malaykattuk, «Ahaysa qidim eyseedey sinaamak qiddem duddak» iyye. Woo malaykatti woo waqdi Ornan deqsita numuy Yabuusa deqsita marah yoobokehiyyah aracay darok caffa elle kalaanahiyyah garil soolak suge.

1 Malikwa 3:26

Too waqdi nummah inak afqadot baxi kacni culeeh, «Amoytaw, ku maganak, awka maqidinay teetih acuy» inte. Aki barraay, «Nek numuh maacanay kaa qiday namma'kkel neh kur» inte.

2 Malikwa 13:23

Takkay immay YALLI kaxxam keenih racmatak sugeemih sabbatah, bayi ken mahanna. Abraahim kee Iscaak kee Yaqkuubuh cule xaganih sabbatah ken catak suge. YALLI, a saaku fanah, isi marat darre macabinna.

2 Aydaad 36:15

Ken kaxxa abbobtiy oson akak radeenihiyya aqbuduk sugte Dagelti fiiruk geerah nabuwwa keenih ruubak sugeeh; too nabuwwa kulli way keenit takku waytam naharal elle keenih warisak sugte. YALLI too nabuwwa keenih akah ruubak sugem, ken kee isi Qibaadah-Qari baatik cata'gidik ten.

Yasaqya 16:11

Tohuk gexxaamah, Mooyab kee Kiir-Ceras marah, bagi yok kaxxam qaadah.

Yasaqya 63:15

YALLAW, qaraanay taahiriino kee nabna luk elle tanihiyyak, nee fan wagit. YALLAW, nee waduh luk ten fayxi manke kok gexxe? Nee catuh luk ten qande maca tekke? Neh luk ten kacanu kee xuwaw maca yekke? Nee mamaaqilin.

Ermiyaas 18:8

Sarrak woo mari woo umaaney edde sugehiyyak yuduure kaa tekkek, anu kaadu exceemik aduureyyooh, abeyyo exceemik raaqeyyo.

Ermiyaas 3:12

«Tohuk kalah yok iyyemii, ‹Gexay Israayil-mari yaabbeeni'gidih, kilbat fanah deero ab. Intaamah: YALLI iyyaamah, Imaan maleelah tan Israayil xayloy! Amay yol uduura. Racmatta le Dagelta kinniyooh, sin assacakke way siinil aduureyyok, yol uduura. Tah intam yoo YALLA.

Ermiyaas 31:20

«Israayil ummatey, kulli marak kacanuh akah lafta xayloh yok tanin. Sin gide kacanuh numuh massalliyyo. Isin abtan umaanet yaabah immay, tohuh, sin kasa waqdi siinih xuwaawah. Afqado sin fanah liyooh siinih racmateyyo. Tah intam yoo YALLA.

Ermiyaas 42:10

‹Ama elle tanin rasul elle teedeenik, qarih innah sin xiseyyo ikkal, sin maggila. Caxah innah sin daabiseyyo ikkal, ahaysa buxuxuk sin masiiba. Siinil oobisem afqado yok biyakteh.

Ermiyaas 9:7

Tohih sabbatah YALLAY Nabaamak Nabahiyya iyyaamah: «Birta girat elle yagirriben innal, anu inni mara agirribeyyo. Yakken mara keenik ableyyo. Yi mari aba dambi able waqdi, toh keenik abe week, maca keenik aba?

Yacedkel 33:11

‹Waara YALLAY Mulki lehiyya kinniyooh, inni migaaqal xiibita'mmay, uma taama le num isi uma taamah rabam kaak mafaxa. Woo uma taama cabba heeh mano kaak faxa. Israayil-xayloy, uma taama cabaay, manok raba madooritina› keenik inxic» iyye.

Yacedkel 6:9

Seewah ken been baaxol anelon. Too saaku yoo kassa heelon. Too waqdi ken akah digaaleeh qaybik ken akah qidem, ken kalbiy gano lehiyya ubleeh, yoo cabba heenih xeet kee coox yaqbudeenim keenik ubleemih sabbat kinnim aaxigelon. Isinnih aben umaane kee, qaybik taniimiy edde sugeenihiyyak gexxaamah, isinni nabsi anqibelon.

Hosiqa 6:4

Takkay immay YALLI iyyeemih, «Israayil kee Yuudah ummatey, maca siinik abu? Yoh liton kacni saaki-silaalo elle gexxa'nnal, siinik gexa. Ayro laqta way taarre saldah innah, siinik yeerreh.

Hosiqa 7:1

YALLI iyyeemih, «Israayil ummatay yi marah tani catam faxaah, maqaane keenih abam faxinnaan waqdi, aaminnaan taama kee gacca intaamat asah ken able. Titta ayrisan. Sahdâ-buxaaxi garqan. Sahda giti addal radan.

Qaamus 4:11

«Sodom kee Gomorrâ magaalooli akah bayse'nnah, mango mara siinik bayseh. Isin raaqe marak, girak raaqe bocoyti innah, radda balah addak raqten. Hay, toh ubulla hayteenih yol maaduurinniton.

Qaamus 7:3

«Too waqdi YALLI keenih racmateeh, keenil ruube raare bala matakka iyye. Yok kaadu, ‹Ama qanaytuy tublehiyya keenit maruuba› 'yaanam iyye.

Qaamus 7:6

Too way YALLI keenih xuwaaweeh, ‹Ruube raare girah bala matakka› iyye.

Miika 5:3

Barra lab-baxa xaltam fanah, YALLI isi marat darre cabele. Tohuk lakal marin baaxol keenik yan mari isi baaxo fanah aduureleeh, isi marat angalele.

Xafanya 2:9

Waara YALLAY Nabaamak Nabah, Israayil doore Dageltah yanihiyya kinniyooh; inni migaaqal xiibita'mmay, Qammon kee Mooyab deqsita marat duma Sodom kee Gomorra deqsitta namma magaala kee, too namma magaalal suggu 'ye marat tikka 'te baatih innah tan baati keenit abeyyo. Away elle yanin baaxo qasbo elle taabuke booxah raaqeleeh, waaqex elle yaabuke gubbi akkele. Abuuruy way tu elle suge wayta akkele. Yi ummatak carbik saaboh raqtem ken buubeleeh, sarra ken baaxo isinnih haysitelon» 'yaanam iyyah yan.

Makaabon 10:16

Sarrak aqbuduk sugen duyye baaxot qideenih, YALLA yuqbuden. YALLI Israayil marat yakke gibdaabina qansiise cineh.