Hosiqa 11:6 - NABUWWA KEE MALIKWA

⁶ Magaalooli keenik carbit bayele. Magaaloolih afoofi keenik carbit addigillele. Yi mari yoo cineh isit celtem abeeh; tohih sabbatah carbit ken bayseyyo.

Hosiqa 11:6 ပူးပေါင်းရင်းမြစ်များ

Yasaqya 18:5

Qinab xaylo yifiileenik duma, qobor radaah, qinab xaylo alayta saaku, Yalli, qinab caxah luud gilet elle yargiqen innal, ken argiqele.

Yasaqya 27:10

Maroh gaso edde tan magaala hunah raaqele; dibu akkele. Num sinniih dibuk yan bacari akkeleeh, abuuruh raaqele. Laahi dabqih elle gacele; noktimah tokke haysitele. Qayso noktimal aloolele; noktimal coox ludwak yaloole.

Yasaqya 30:1

YALLI iyyeemih, «Yabti-cina le xayloy, sinim tekkeh! Anu faxam cintaanaah, isinnih faxxen mala malsittan. Yi idni maleh bica sinam lih haysittaanaah, dambit dambi osissan.

Yasaqya 9:14

YALLI inki ayroh addat Israayilik kaxxa mara kee qunxa mara digaaleh, amo kee geera keenik yirgiqe.

Ermiyaas 5:17

Buqrek orbissen daro kee buxal liton maaqo sella siinik heelon. Xaylo siinik qidelon. Illi kee wadar kee laa siinik qidelon. Qinab xaylo xala coox kee sublâ-coox siinik argiggiqelon. Kaxxam amo elle meqiton magaalooliy gaso maroh edde tani silaacat bayselon» 'yaanam siinik iyya.

Ermiyaas 50:35

YALLI kaadu qagseh iyyemii, «Baabelon-baaxoh-mara kee Baabelon-magaalah-marat qeebi aba! Ken doolatih abbobti kee oson kasloytiitih lon mara qida!

Yacedkel 20:47

Gabbi-qaxat raqta garbok, yoo YALLAY Mulki lehiyya inxicca axcem waris. Intaamah, ‹Gira ruubam faxa. Too gira ku addal enna 'ya coox, kafin coox yakkuu, uyni coox yakku, carrisele'mmay, num tet mabargusa. Gabbi-qaxaak xabba haanam baaxo carrisak kilbat le kabu fan amaatele. Too girah huuri num macaba.

Hosiqa 10:14

Sin marat qeebi akkeleeh; koositih bicissen arooca foyyaase siinik lon. Malik Salman Beet-Arbel magaala carbit bayse saaku tekkem akkele. Too saaku inaani kee xaylo umâ-yabulit raben.

Hosiqa 10:6

Too ceeloy aqbuduk sugeenihiyya Assuuriya fan beeloonuuh, tokkel too malikih gabbarah aceelon. Israayil mari qaybit radeleeh gaca mara akkelon. Toh keenit akah takku waytam macaay inteenik, oson kattaatan fayuk gexxaama.

Hosiqa 13:16

Samaariyah mari yi yab cineemih sabbatah, digaala keenil tamaate. Xaylo keenik carbit rabele. Qunxa urri keenik xeetil tafqelon. Bagut le agabuk bagu fakelon» iyye.

Hosiqa 4:16

Israayil mari yabti cinah lac yekken. Hay, ta mara qayso yayloolen marqih innah mannal ken aylooleh dacrisaa?

Hosiqa 4:17

A mari yi aftok xeet kee cooxuk bicsen duyyet aban qibaadah milkih gacen. Ahaysa yanoonay ken inxica.

Qaamus 6:8

Qaamus kaadu iyyemii, «YALLAY Mulki leh Nabaamak Naba Dagelta kinnihiyya isi migaaqal xiibiteeh iyyemii, ‹Israayil mari abah yan kaxxiina nabam inqibeh an. Oson dabaaqah edde yanin kaxxa qarwa ablem sakkih yol tan. A saaku dabaaqah elle yanin inaytah tan magaala kee tet addal enna 'tam inkih, naqboytit gabal keenik heeyyo› 'yaanam iyye» keenik iyye.

Miika 5:11

Magaalooli siinik bayseyyo. Isin naqboyti culaamak hayten koosit inkih foyya abeyyo.

Malaaki 4:1

«Yoo YALLAY Nabaamak Nabahiyya axceemih: Too ayroy gaba qidu waahiyya gexot tan. Too ayro kaxxiina leela kee uma-taama leela caffayti innah girat carrelon. Too ayro too mari cararra 'yeenih tu keenik maraqta.