Hosiqa 10:12 - NABUWWA KEE MALIKWA

¹² Qusba baaxo ubquruta keenik exce. Cakki ubquray, maqaane orbisita. Yoo sin YALLA fanah edde aduureh meqe wakti a saaku'mmay yol uduura. Yol tuduureenik, barkat siinit heeyyo» 'yaanam siinik iyye.

Hosiqa 10:12 ပူးပေါင်းရင်းမြစ်များ

Yasaqya 30:23

YALLI rob siinih ruubeleeh; buqre elle abinnaan ikkel, qidinnaan daro siinih aabukele. Mango daro orbisetton. Laahi siinik mango qayso geeleeh amaanah aloolele.

Yasaqya 31:1

Masri fan catoh gexa maraw, sin ikke tekkem ixiga. Isin cato Israayil doore Dageltay *kudduusuk yanil messertan; YALLAL kibaal mahaytaana'mmay, Masri-marih-fariisa kee, mango faras-gaariiray oson loonuhiyya kee, ken maray faras-amok-qeebi-abahiyyal kibaal haan.

Yasaqya 32:20

tohuh isin, isinni baaxol niqmatat gacetton. Leek garil qidinnaan daro siinih aabukeleeh; laa kee danoona maatah gaceleeh aloolele.

Yasaqya 44:3

Macaay inteenik, bakaaritte baaxo allaggoyseyyo; kafinuk sugte baaxol lee darah ruubeyyo. Sin xaylol inni Roocaaniyya oobiseyyo; siinik radda 'ye marat barkat heeyyo.

Yasaqya 45:8

Qadaalat qaraanak robti innah ruubeyyo. Addunya woh raabiteleeh, namma gaba akah garaysele. Yi wadu kee qadaalat teetil reedele. Aham absissu waytam yoo YALLA» iyye.

Yasaqya 48:18

Yi amri oggoltaanamal, weeqayti gurral amaan siinil oobak yeneeh; yi foocal cakkik yan mara akkuk teneenih, too cakki kaadu, baddi-afal tamuttuke haffoh innal, qande siinih acayuk yen.

Yasaqya 5:6

‹Sibaasib teetil yaabakay; amo teetik aysa buulay. Taabuke'gidi 'yaanamah aysa amo teetik margaqaay, sissib kee keenan tet buulay› axceyyo'kkal tet mawagta. Rob hinna'mmay gaanib kinnih, amol teetik wessa m'iyya.»

Yasaqya 54:14

Cakkik tan maqaane xinto kok akkele; xukko kee cunxok amaan akketto.

Yasaqya 55:6

Uxih kaa geettoonuk, YALLAL uduura! Away garit siinik yanik, catoh kaah seeca!

Ermiyaas 50:4

YALLI qagseh iyyemii, «Taham takku wayta saaku, Israayil kee Yuudah ummatta weeqah ximo caxak, yooy ken Dagelta kinnihiyyah goranah amaatelon.

Yacedkel 34:26

YALLI kaadu qagseh iyyeemih, «Barkat keenit heeyyooh yi qaleelay taahirih tanih xaqul dabaaqah ken heeyyo. Tokkel faxxiima uddur rob keenih ruubeyyooh, niqmat keenil oobiseyyo.

Hosiqa 12:6

Tonna kinnuk Yallay sin Dagelta kinnihiyyal eemenaay kaal uduura. Yallak kalihim maqbudina; maqaane kee qadaalat le mara tika. Yallih cato tamaatem fanah, wonnah maxcinaay annah maxcinay kaa qambaala.

Hosiqa 14:1

Hosiqa iyyeemih, «Israayil ummatey, YALLAY sin Dagelta kinnihiyya fanah uduura. Edde tanin dambi baati siinih xale.

Hosiqa 6:3

YALLA naaxagay. Kaa naaxige'gidih, digga innay. Tonnal, barak lakal maaci maacisam akah naaxige'nnah, YALLI nel amaatelem digga hayna. Dabayba kee sugum rade rob baaxo akah doogisa'nnah, YALLI rooci nek aqusbuusele» iyyan.

Hosiqa 8:7

Umaane yaysubukeenih, kaxxa umaane ken geele. Orbise ween darok gaqambo mabicsan. Daro orbiseenih gaqambo akak bicseenik, marin baaxoh marih gadda keenik akkele.

Qaamus 5:15

Umam inqibaay, meqem ikcina. Cokmi maroh addal, cokmi qadaalatat akah yakke'nnah aba. Tonnal YALLAY Nabaamak Naba Dagelta kinnihiyya Israayil ummatak baatik saaboh raaqe marah yamqem takkeh. Keenih racmatam takkeh.

Qaamus 5:4

«YALLI Israayil ummatak iyyamaa, ‹Yol uduura. Yol tuduureenik, mano geetton.

Qaamus 5:6

Qaamus iyyemii, «Maabinay YALLAL uduura. YALLAL tuduureenik, mano geetton. Toh cinteenik, Israayil ummatal Yalli, giray sahda takmehiyya siinil akkele. Beetal magaalal yan mari girat laqlaqimele. Woo gira keenih bargusa mara mageyan.

Qaamus 5:8

«Adal deqsitta cutuuka gintem YALLAAY; Malcino qaran bagul haytem kaa. Bartî lakal saaku gintaah, maaci lakal bar gintam kaa. Baddi lee qaran eyyeqqa hayteeh, wadir baaxol tet oobissam kaa. Cayla-leela bayissaah; reebuh lon gasoosa taggilem kaa. Toh YALLA kinnim ixiga.