Hosiqa 10:11 - NABUWWA KEE MALIKWA

¹¹ Santiitat gexa rakub num elle kataya'nnal, Israayil mari duma yoo kataatak sugeh, anu aba excem abak sugen. A saakuh tu gactek, qilsa quuka ken fillal heeyyooh, kaxxa taamah abittot ken qaneyyo. Ken kee Yuudâ marat inkih baaxo abqursiiseyyo. Israayil marat daro elle qidoonu waan baaxo fiiriseyyo.

Hosiqa 10:11 ပူးပေါင်းရင်းမြစ်များ

Yasaqya 28:24

Buqre-abe baaxo yabqure waqdi, yabqure baaxo kulli way madaga. Yabqure'gidih baaxo kulli way macota.

Ermiyaas 28:14

‹YALLAY Nabaamak Nabah, Israayil doore Dagelta kinnihiyya, Aham fanah Baabelon-malik cooxuk bicsen madmad fillal akak abbaxuk suggu 'ye marak, ahak wadir meqe'nnah kaah taamitaana'gidih, birtak bicsen madmad fillal keenik heeyyo. Tohuk wadirih kay taamat gaceloonuuh, kay taama abelon. Sahda hinna'mmay, alluwwah agantah, kay milkih xiinele› 'yaanam kaak inxic» kaak iyye.

Ermiyaas 46:20

Masri xagar meqe sagah bis luk yene'mmay, kilbat le kabuk yemeete gadqanti tet yokme.

Ermiyaas 50:11

YALLI kaadu iyyemii, «Baabelon maraw, yi mara wararteeniih; toh siinit temqeh. Ruffu edde inten. Qaysok cayya iyyeh xobbaaqa gaalih innah xobbaqten. Canak cayye mooyuh innah kaqitten.

Hosiqa 11:4

Keenih liyoh an kacanuh innil ken xayyoose. Gabah xabba ken heeh inni aliilit ken hee. Qununna exceh inni gabah ken adoobise.

Hosiqa 3:1

YALLI kaadu Hosiqak iyyeemih, «Gexay woo mareyta lih dalwa abta barra fan gexay, tet kicintom teetih waris. Anu Israayil mara uxih akah kiciyyo innah, atu tet takcinem kol tan. Israayil mari yalla akke sinni gabat bicsen duyyeh sadgatah qinab-xayloy kafseeni yeceen immay, tohuh, ken kiciyyoh» kaak iyye.

Hosiqa 4:16

Israayil mari yabti cinah lac yekken. Hay, ta mara qayso yayloolen marqih innah mannal ken aylooleh dacrisaa?

Hosiqa 9:1

Hosiqa iyyeemih, «Israayil ummatey, qiidih assan saaku diini-maleela akah abta'nnah maabinaay; kaxxam ruffa maxcina. Isinni Dageltak texxeereeniih, kaal luk sugten imaan siinik yeerreeh; qusbih orbisen daro kee caffa tittak elle meexxan aroocal, migaaqah Baqal akak intaanamay raabitteenihiyyah qibaadat gacten. Daro Baqal siinih yeceem takkalen; yoo cinten.

Miika 4:13

YALLI iyyeemih, «Yarusalaam maraw, gexay isinni naqboytit ibah iqita. Gayse birtak akak bicseenih, xukcuno nacaasak akak bicsen awurih innah qandeh sin heeyyo. Mango baaxoh marak qeebil aysetton. Oson umam abittot geen gaddaliino yoo fan baahelon. Anu YALLAAY; inkih yan baadal yan Goyta kinniyo» 'yaanam iyye.