Hosiqa 10:1 - NABUWWA KEE MALIKWA

¹ «Israayil mari qinab caxay mango xaylo xaltah innal yeneeni'mmay, gaddaliino osak keenih elle ossaamal, yalla akke sinni duyyeh qibaada elle aban arooca xisen. Baaxo keenih allaggoowak allaggowteeh mango daro kee caxâ-miri aabakuk keenih elle yoobokeemil, xeetik bicsen qamidway yaqbudeenihiyyat aban bilqa lafitak laften.

Hosiqa 10:1 ပူးပေါင်းရင်းမြစ်များ

1 Malikwa 14:23

Kulli qaleh amo kee silal le cooxih gubal, duyye elle yaqbuden arooca xiseeniih, taahirik tan qamidwa akak iyyan qamidway xeetik bicseenihiyya sooliseenih, Aseera deqsittaamay yaqbudeenihiyyah astah heenih sugen gurumuuda soolisen.

Ermiyaas 11:13

Yuudâ-mari yalla 'yeenih yaqbuden duyyek mangah ken magaalooli tikki 'tah gide lon. Yarusalaam mari kaadu umâ-yabulih taniimiy Baqal akak iyyaanahiyyah sadgat elle abaana'gidih bicsen arooca, mangah ken magaalah gititte takkeh gide takke.

Ermiyaas 11:17

«Yoo YALLAY Nabaamak Nabahiyya duma Israayil kee Yuudâ-mara caxah innah uysubukeh suge'mmay, ta saaku bala keenil oobiseyyo. Toh keenik akah abu waam, umaamay dambi lehiyya baahaanaah, Baqal akak iyyaanamay yaqbudeenihiyyah sadgat abaanaah, naqabu yot culsan» 'yaanam iyye.

Ermiyaas 2:28

Anu siinik axceemih: Yalla akak intan duyyey isinni gabak bicisseenihiyya ankel tan? Ta duyyey yalla akak intaanahiyya mangah sin magaaloolik madagok, gadaamittaanaah caalat siinil uma waqdi, sin akah cate waytam macaay? Sin edde wadan dudda maay lon?

Hosiqa 12:11

Gilqad deqsita aracal kaxxa umaanet asa mari ambaxele. Gilgal rasul awurwa sadgatah qidaanah immay sadgat elle aban arac gubbik bagul gaaboysen qalum akkele» iyye.

Hosiqa 12:8

Too waqdi afak, ‹Nanu gaddaleela nekkeeh; abne taamal geyneh, makot abnem mannuy dambit maasinnino› iyyan.

Hosiqa 13:15

Israayil ummat away wir intam celtaamah; ayrô-mawqa le kabuk bacarih tan baaxok ruubu waa laqin caacay ken kafsele. Too caacay buyyitte kee qelwa keenik kafsele. Keenit muquk sugtem inkih beele.

Hosiqa 13:2

A saaku inkinnah woo umaanet bisoh gexak gexaanaah, isinni gabak lakqok bicsen duyye yaqbuden. Too duyye gabâ-naggaarinna keenik leh yan mari bicissa haah, sarrak yaqbudeenih. «A duyyeh sadgat aba» iyyan. Laahi ceeloy gabak bicseenihiyya fugtan! Sahdayti isi gabak bicse ceelo wadir mannal fuguta?

Hosiqa 13:6

Takkay immay niqmatak tan baaxo culten saaku, faxxaanam geyteeniih cayteenih; kaxxiina siinit hayteeh yoo hawwenteenih.

Hosiqa 2:10

Tet mareytiitik garil qasunuk tet cabeyyo'mmay, yi gabak num tet macata.

Hosiqa 2:8

«Maaqooy qinabak bicsen kamri kee caxâ xaylok bicsen *zeyti teetih teceem yook tene'mmay woh yoh maaxaginna. Baqal axcuk yaqbuden duyyeh qibaadah hayte lakqo kee dahab teetih teceem yook tene'mmay; toh yoh maaxaginna.

Hosiqa 3:4

Israayil mari kaadu tonnah malik haysite'kal, abbah num hee'kal, sadgat abe'kal, xeetik bicsen qamidway yaqbudeenihiyya kee Yalla 'yeenih tu elle esseran duyye aalle'kal, mango wakti qambaalak sugelon.

Hosiqa 4:7

«Isin seekak, elle andarruk tandarreenimil, abtan dambi siinik amagguk yamagge. Tohih sabbatah meqe migaq elle luk tenen ikkel qaybik sin qideyyo.

Hosiqa 8:11

Dambi-kalootuh sadgat elle aboonuh, mango qibaadah-arooca elle xisaanamal, dambi keenik amagguk yamagge.

Hosiqa 8:4

«Yi mari malikwa keenih yekke mara isinnih dooriteeni'mmay, woo dooro yoo maleh, isinni amok aben. Abbobti keenik yakku waa mara dooriteenih immay, woo dooro keenik moggoliminna. Buxal luk sugen qado lakqo kee dahabak, yalla axcuk yaqbuden duyye bicsen. Too duyye baati keenil baahele.

Naacum 2:2

Macaay inteenik, YALLI, naqboytit ken buubtak duma, Yuuda kee Israayil mari luk sugen nabna keenih gacsam faxa.