Ermiyaas 9:5 - NABUWWA KEE MALIKWA

^5-6 Kataysa kataysa siinik ganaah, nummat num siinik mayaaba. Arraaba dirab siinik baritte; abtan dambik mataduuran. Naharsi umaaneh lakal, gersi umaane abtan. Yoo aaxige cinteenih» 'yaanam keenik iyye.

Ermiyaas 9:5 ပူးပေါင်းရင်းမြစ်များ

Yasaqya 5:18

Diraabat yaabah dambik raaqu duude waa maraw, woyyow, siinit takku waytaamow! Edde yabtan dirab umaane siinih xalele.

Yasaqya 57:10

Mangom safarteenih akak taqabteeni'mmay, ‹Neh xiqtam mali› maxcinniton. Qusba qaafiyat haysitteenih, maboolaatinniton.

Ermiyaas 12:13

Buqreh kamadi qideloonu'mmay, daro orbah gacca 'ta saaku kamadih aftok keenan orbiselon. Yi kaxxa bagcarrak gexxaamah buqret kaxxam cawale loonu'mmay, akak orbisoonu waanam malon» iyye.

Ermiyaas 12:6

Ku tooboko kee ku buxah mari ku naqboytit lih gacca 'yeenih koo ganaanamih addat yaniiniih qeebi kot abaanam faxan. Tonna leemiik meqe yab ko'lih yaabaanamah ken maamanin» 'yaanam yok iyye.

Ermiyaas 13:23

Data num le bisu korsam mabicta. Kabqî-xagaral tan baraabarwa kattam bicta? Mabicta. Tonnah hay, siiniy umam abitto bartehiyya meqem abu maduuda.

Ermiyaas 4:22

«YALLI iyyam aabbeh an. Iyyaamah, ‹Yi mari duquuraay; yoo mayaaxigan. Kas sinni qunxa urrih gide ikkal, tut maradan. Uma-taamah abittol ken aleltam matana'mmay meqe taamah waqdi boola lon› 'yaanam axcih aabbe.

Ermiyaas 51:58

YALLAY Nabaamak Nabahiyya iyyemii, «Baabelon magaalat maroh tan kaxxa gasoosa addigillele. Baabelon magaala akak culan kaxxa afoofit gira ruubelon. Tonna leemiik ummatta edde taqabba 'tem foyya akkele. Edde cawalak bicissa heenim, girâ-gadda keenik akkele» iyye.

Ermiyaas 51:64

Too waqdi, ‹Baabelon, YALLI teetil baahu waa umaaneh, too warkatih innah, suteleeh, wadiriik muugutta› 'yaanam inxic» kaak iyye. (Sinam isih is taqbissa.) Ermiyaas yab tama ikket yaade.

Ermiyaas 7:28

Ken lih yabta waqdi keenik intaamah, ‹Isin, YALLAY sin Dagelta kinni iyyam cine mara kinniton. YALLI, «Umaanek uduura», siinik iyyeh immay kay yab cine mara tekken. Sin garil numma baateh; nummat mayabtan› keenik inxic» yok iyye.

Ermiyaas 9:3

YALLI iyyemii, «Diraabak sah nummat mayaaban; Maqarah loonum, diraaba. Nummak yaaxigeenim malon. Yi mari umaane umaanê-lakal aban; anu ken Dagelta kinniyom yok mayaaxigan» iyye.

Ermiyaas 9:8

Arraaba keenik summi le gaysê-baxih gide. Kulli waqdi diraabat yaaban. Kulli num keenik meqe qangara afak sinam lih yaabaah darrek edde radoonu waan oflo keenih bicsa.

Yacedkel 24:12

Abba heen taqabi foyya yakkeeh, tet wasak girat kinni-way makatinna. Tet kee teetil yan dicil girat qid!

Miika 6:12

Siinik gadda leelah yan mari tu maleela yadlume. Takkeenimiik dirab leela kinniton. Sinam duquurussan.

Miika 6:3

YALLI iyyaamah, «Yi maraw, anu siinil baahem macaay? Anu siinil quuka elle ekkem manna? Siinil quuka elle ekke inna yoh warisay!

Cabakkuk 2:13

Sinam foyyah taqabta. Oson abba heenim inkih girâ-gadda takke. Ah absissem, YALLAY Nabaamak Nabahiyya.

Malaaki 2:10

Malaaki iyyeemih, «Ni Abbay nee doorehiyya inki Dagelta akke maay waa? Nanu inkih inki abba linom neexegek, hay, innem tittal akah maknam macaay? Toh abna waqdi, Yalli ni kaxxa abbobti lih abe xagana makna.

Makaabon 2:10

Woo saaku sugga 'te kay ado inkih rabteeh; sarra temeete ado YALLA kee YALLI Israayilih abba heem inkih hawwenteh.