Ermiyaas 9:24 - NABUWWA KEE MALIKWA

²⁴ Yoo yaaxigeeh, anu faxam yasmite num yenek, toh kaxxam kinnim yaaxigeemiiy amo elle yamqeemi. Niyaateh meqem tohu. Macaay inteenik, anu sahdah liyo kacni, yambaxe kacanu hinna. Cakki kee qadaalatak tan abto aba Dagelta kinniyooh; yoo ruffu haytam tamaha. Tahat yabtam yoo YALLA kinni» iyye.

Ermiyaas 9:24 ပူးပေါင်းရင်းမြစ်များ

Yasaqya 20:5

Kuus kee Masril kibaal luk suge mari hagga axceleeh, niya keenik addigillele.

Yasaqya 41:16

Qaraanal siisah innah ken fikiikisetton; silayti qaraanal ken beele. Caaco baaxol ken fuluulukusele. Toh tabloonu waytan waqdi, YALLAT ruffa axcetton. Israayil doore Dageltay *Kudduusuk yanihiyya assakootetton. Tahat yabtam yoo YALLA» 'yaanam iyye.

Yasaqya 45:25

Yoo YALLI, Israayil ummat wadu waa Dagelta kinniyo. Tohuk gexxaamah too mari yoo faylisele» 'yaanam iyye.

Yasaqya 61:8

Macaay inteenik, yooy YALLAH yani qadaalat kicna. Cado akak carrisan sadgatak tu cabaanam niqibiyo. Liyoh an diggal inni ummattah galto gacseyyo; baye sinni qahdi ken lih heeyyo.

Ermiyaas 22:16

Masaakiina kee tu'dagoytiitih cakki aba numuk ten. Tohuk gexxaamah abinnaanim gabal kaak bicak ten. Tonnah tanim abtam yoo yaaxige numu'mmay,

Ermiyaas 4:2

gitah tanim taamitak, baguuk YALLAY waarahiyyah migaaqal xiibitteenik, tonnal ummatta inkih, ‹Yallaw, barkat net hay› yok axceloonuuh; yoo fayliselon» iyyah yan.

Miika 6:8

YALLI meqeemiy abtaanahiyya siinih warseh. Toh macaay inteenik, qadaalat le taamah taamittaanam siinik faxa. Aggiriqe sinni kacanu taalleenim siinik faxa. Rammitta inteenih Yalla kinni sin Dageltih gita kataata mara takkeenim siinik faxa.

Miika 7:18

«Kok sa Yalli mayana. A saaku ku digaalak cattiime marah qafu abte. Akak aduure wayta naqabuh matanqiba. Amurruqe sinni kacanu nee taybulluyem koo ruffa hayta.

1 Samuwel 15:22

Samuwel iyyemii, «Hay meqehik, YALLI, amri kaak oggolaanam kee, kay sadgatah saqa qidaanamak macah lafitam kot celtaa? YALLIH garil kay sadgatah gabul le maruw qidaanamak, usuk iyyem abaanaah kay yaabat maqal haanam muxxo le.