Ermiyaas 9:22 - NABUWWA KEE MALIKWA

²² Kaadu iyyeemih: «Rabe marih lafa saqi dacah innah, kulli ikkel qidelon. Yifiilen darok caben caffih innah, kulli ikkel cayxih aneleeh, ken yaaguqe num mageytima. YALLI yok inxica iyyem tamaha» iyye.

Ermiyaas 9:22 ပူးပေါင်းရင်းမြစ်များ

2 Malikwa 20:13

Ciskiyyaahu farmo elle ruuben mara arcibiseeh; sarrak duyye edde daanah haan makdanwa ken yuybulle. Too makdanwah addal lakqooy dahabaay caxâ-sifa kee qatrik suggu 'tem inkih ken yuybulle. Kalah kaadu, qaskar silaacih agantah tu cabe'kal ken yuybulle. Ciskiyyaahu isi qarih adda kee isi xintoh gubat taniimik ken aybulle wayya heem mali.

2 Malikwa 20:15

Nabi Yasaqya, «Hay, ku qarih addal abaluk sugeenim macaa?» kaak iyye. Too waqdi Ciskiyyaahu, «Yi qarih addal tanim inkih yubleeniih; duyye edde daanah haan kadnoonih addal taniimik ken aybulle wayya heem mayyu» kaak iyye.

2 Malikwa 9:37

Tet xagarak raqtem kukkurruh dacah innah baxacah kulli ikkel caxitele. Tonna-leemik tet xagar kinnim num yaaxagu maduuda› iyyeh yeneeh; tohim tekkeh» iyye.

Yasaqya 5:25

Tonna leemiik YALLI isi marat bagcarriteeh, isi gaba ken yuybulleeh ken digaale. Qaleeli yengeyyeeh, rabe marih raysi guddaafah innah gititteh addal rade. Tohuh, Yallih naqbi maxamcaay, ken edde digaaluh ruube gaba wadir magacsa.

Ermiyaas 16:4

Kaxxa dalka keenit ruubeyyooh; too dalkat ambaxelon. Keenih rookitaah ken yaagaqu waa mara mageyan. Raysa keenik guddaafah innah qangalaylak cabelon; yakkuqe num mageytima. Carbit rabe kee qululuh ambaxi akkelon. Lafa keenik haada kee garboh alluwwah maaqo akkele.

Ermiyaas 25:33

Too saaku YALLI qide marih raysi addunyak a exxaay woo exxal qangalaylut raaqele. Too marah num marookita. Raysa keenik ugussaah ken taaguqem mageyan. Saqi dacah innah, elle ken qiden ikkel, elle yanoonay ken axcelon.

Ermiyaas 6:21

YALLI tohuk gexxaamah iyyaamah: «Ama mara aydafoofoleyyo; xaylooy, xaleenaay, kataysis kee cuggaane keenik bayseyyo» 'yaanam iyya.

Ermiyaas 7:33

Rabe marih raysi guma kee yangula kee wakri maaqo akkeleeh; raysa keenik akme kala maray alluwwa xiiriyahiyya maraaqa.

Ermiyaas 8:2

Too lafoofi inki aracal gaaboysak mayaaguqaanaay; guddaafa baaxot elle caxan innal, baaxot qidelon. Ken elle qiden ikkel qangalaylut raaqelon. Tokkel ayro kee alsa kee cutuukay oson kicinukuuy aqbudukuuy faxaanam elle esserak sugeenihiyyah gubal qangalayle lon.

Cabakkuk 1:11

Tohih lakal foocat sugga tam duufut beelon. Oson dambileelah yan maraay; elle yaamineenim, isinni qande» iyye.

Xafanya 1:17

YALLI iyyaamah, «Ummat inti maleelah innah tataf edde inta bala ummatal ruubeyyo. Dambi lem yol baaheeniih; tohuk gexxaamah a saaku qabal leeh innah keenik caxitele. Raysi keenik abicca 'yeh baaxô-bagul qangalaalele.