Ermiyaas 9:15 - NABUWWA KEE MALIKWA

¹⁵ Tonna leemiik yoo YALLAY Nabaamak Nabah, Israayil doore Dagelta kinnihiyya ta marak abu waam koh warisu waa. Qeero le maaqo ken askameyyo. Summik tan lee ken afqeyyo.

Ermiyaas 9:15 ပူးပေါင်းရင်းမြစ်များ

Yasaqya 2:17

Sahdayti kaxxiina kee anaani gaba kaleleeh; Yallih aftok aqbuduk sugen xeet kee coox bayele. Too ayro nabna luk raqtu waytam, dibuk YALLA.

Yasaqya 2:22

Tonna'mmay sahdaytuy rabah yakkehiyyal kibaal mahana. Sahdayti ma tuxxiq leh?

Ermiyaas 23:15

Tohuk gexxaamah yoo YALLAY Nabaamak Nabahiyya Yarusalaamal yan maray nabuwwa kinnino iyyak axcemii: ‹Qeero le maaqo sin askameyyooh, summik tan leek sin afqeyyo. Sin umaanek gexxaamah diini maleela baaxol temeggeh. Sin umaanek gexxaamah Yallih meysi sinni mari baaxo kibeh› axce.

Ermiyaas 24:10

Duma ken kaxxa abbobtih ecee baaxoy away oson elle yaniinihiyyal saabo cabba haanam fanah, way carbiiy, way qululuuy, way kaadu dalka keenit ruubak, sella ken heeyyo› 'yaanam yok iyye» iyye.

Ermiyaas 25:15

Ermiyaas qagissa heeh iyyeemih, YALLAY Israayil doore Dagelta kinnihiyya, «Ermiyaasow! Ayka, a kobbaaya beyay anu koo elle ruuba maral ucuy. Ama kobbaaya kibuk akak tanim yi naqabu'mmay, tama naqabuk ken afqetto.

Ermiyaas 44:27

Masril yan Yuudâ-maraw, tahak wadir sin mawaday, sin baatih ugteyyo. Carbi kee qululut embexxa 'taanam fanah sin macaba.

Ermiyaas 49:37

Ken naqboytiitiy ken qidam faxahiyyak cunxita mara ken abeyyo. Bala keenil ruubeyyo. Yi bagcarra keenil oobele. Saabo cabba haanam fanah carbit ken selu waa mara keenit ruubeyyo.

Ermiyaas 8:14

Yallih mari iyyu waamah, «Akkel abnam macaay? YALLAY ni Dageltah yanihiyya, dambi lem kaal bahnem nek yubleeh, tonna leemiik nee baysam faxa. Summi le leek nee yafqem faxak, sitta fanah gacnay, woo gasoosa maroh edde tan magaalooli fanah nee beyaay, wokkel rabnay nee inxica» 'yaanam axcelon.

Yacedkel 5:12

Ummatak sidochaytoh af siinik qulul kee dalkah magaalak addal ambaxele. Aki sidooca af kaadu magaalak afal seefit selelon. Raaqe sidooca af kaadu affara kaalibil caacayat ruubeyyo. Sarrak innih seef luk ken ayraddeyyo. Tahat yabtam yoo YALLAY Mulki lehiyya.

Yacedkel 5:2

Sidooca exxak, exxak teena magaala edde abbaxuk sugen marok caban saaku, magaalah addal gira edde rub. Nammeyhaytoh af magaalak addal elle gexamgexxaamal seefit irgiggiqay qid. Sidochaytoh af caacayat rub. Tonnal anu seef haysitta heeh woo marah ayraddeyyo.