Ermiyaas 9:14 - NABUWWA KEE MALIKWA

¹⁴ Yi yab cinna heenih dumaak abak yenen makot yanin. Isinni abbobtik kaxxih, Baqal akak iyyan duyyeh qibaadat yanin.

Ermiyaas 9:14 ပူးပေါင်းရင်းမြစ်များ

Ermiyaas 11:8

Takkay immay yi yab cineeniih baaqid edde mahaysitinnon. Kulli num keenik ken afqado keenil tecee uma taamat asen. Titta lih haysinne qahdih giddinaamak, ‹Siinik excem duudusa›, keenik exceh ene'mmay, woh cineenih. Tohuk gexxaamah a qahdi duuduse wayteenik, abeyyo-exce-digaala keenil abe» yok iyye.

Ermiyaas 13:10

Oson umeynitiiy, amri yok cineenih. Yi yab aabbe waa maray isinnih faxam aba yekken. Sinam Yallih aftok taqbude tumamme, too marak kaxxih, yaqbude mara yekkeeni'mmay, tahak wadir tama saroh innah, hebeltô-tu'xiq-sinni-maray baaxot radehiyya ken abeyyo.

Ermiyaas 16:12

Siinih tu gactek, uma-taamah isinni kaxxa abbobtik lafittaanaah, yi yab yaabbe num siinit mayanaay, yabti-cina kee uma-taamah-abittoh num numuk siinik mayaysaay inki bis liton.

Ermiyaas 2:23

« ‹Away nadaysa leemit maasinnino› elle intaanam mannaay? ‹Baqal deqsitta rooci sinni duyye maqbudinnino› mannal intan? Goloh addal abten dambi isinnik maay taaxigen? Taaxigeenih. Abtaanam isinnik maay tablen? Tableenih. Maatah tan ala tekken.

Ermiyaas 2:8

Seeka, ‹YALLI maca abeh?› maxacinna. Anu ruube xinto barsa mari yoo aaxige cineh. Baaxoh-abbobti anu niqibyo taamat asen. Oson nabuwwah luk sugen mari yaabe kaa tekkek, ‹Baqal woh iyye; ah iyye› 'yaanam keenik axcuk, isinnih kaadu tu xiqe sinni duyyey gabak bicseenihiyyah qibaadat gacen.

Ermiyaas 23:15

Tohuk gexxaamah yoo YALLAY Nabaamak Nabahiyya Yarusalaamal yan maray nabuwwa kinnino iyyak axcemii: ‹Qeero le maaqo sin askameyyooh, summik tan leek sin afqeyyo. Sin umaanek gexxaamah diini maleela baaxol temeggeh. Sin umaanek gexxaamah Yallih meysi sinni mari baaxo kibeh› axce.

Ermiyaas 23:27

Duma ken abbobti Baqal akak iyyan duyyeh qibaadat gacca 'yeenih yok elle yexxeereenih sugen innal, a saaku kaadu oson edde yaaban soonot yi mara yok yayxeereenim faxan.

Ermiyaas 3:17

Too saaku Yarusalaam magaalak bagulleytah, YALLIH mulkiinoh korsi, 'yaanam axcelon. Kulli baaxoh mari too saaku yoo yaqbude'gidih amaatele. Tohuk wadir ken afqadoy yabti cina kee umaane lehiyya aba keenik intaamih abittot magacan.

Ermiyaas 44:17

Ninnih abnam faxak sugnem abenno. Duma nee kee ni kaxxa abbobtiiy ni malikwa kee nek saqoltih yan mari, Yuudâ-magaalooli kee Yarusalaam gitittel, gannat-malikáh faaroh qinabak bicsen kamri baahak sugeeniih, teetih sadgat elle abak sugen innal, nanu ta saaku uxih tonnal abenno. Toh abak nen saaku gaddaloolah sugneeh, buxa nek niqmatah sugte. Waynaah akak ceyinnam luk masuginnino.

Ermiyaas 7:24

Too yaabat baaqid mahaysitinnoonuuy yok cineenih. Anu keenik excem cabba heenih, ken misinkacay yab aabbe sinni keenil teceem abak sugen. Qamal keenik gacak gace.

Ermiyaas 8:14

Yallih mari iyyu waamah, «Akkel abnam macaay? YALLAY ni Dageltah yanihiyya, dambi lem kaal bahnem nek yubleeh, tonna leemiik nee baysam faxa. Summi le leek nee yafqem faxak, sitta fanah gacnay, woo gasoosa maroh edde tan magaalooli fanah nee beyaay, wokkel rabnay nee inxica» 'yaanam axcelon.

Qaamus 2:4

Kaadu qagissa heeh iyyemii, «Aham YALLI iyyaama. Yuudah yooboke mari fiiruk geerah dambi le taama abeenih; tohuk gexxaamah ken digaaleyyom digga le. Yoo YALLI, aba keenik exceemit maqal haysite cineeniih, yi amriy aba keenik excehiyyal anqaasah haysiten. Oson akak raden ken kaxxa abbobti aqbuduk sugte duyyey xeet kee cooxuk bicseenihiyyah qibaadat gacen. Tohuk gexxaamah makot gexa mara yekken.