Ermiyaas 9:12 - NABUWWA KEE MALIKWA

¹² YALLI a baaxo annal akah kafseeh num ibah elle gexu duude waa bacari akah tet abem macaay? Kasak dudda le numuy ahat radahiyya iyyaay? Aham gersi marah warsaana'gidih, YALLI naharal elle akah warseh suge mari maay yan?

Ermiyaas 9:12 ပူးပေါင်းရင်းမြစ်များ

Yasaqya 42:23

Aham siinik ankacissam iyyaay? Ahak wadir ahat cubbi siinik haytam iyyaay?

Ermiyaas 23:10

Baaxo inkih YALLAL luk sugen imaan cabe marak temegge. Abaarô-sabbatah baaxo kafteh; rookat tan. Lacti qayso luk teneeh, lac elle alooluk yen baaxo kafteh. YALLAL luk sugen imaan keenik yeerreh; umam aban. Lon abbootanat gita maliinoh tanim aban» iyye.

Ermiyaas 23:16

«Toh too tiya'mmay, Yarusalaam maraw, yoo YALLAY Nabaamak Nabahiyya siinik axcem liyo. Toh macaay inteenik, ama mari siinil yaceem numma makkalina. Deedaltam siinil yaceenim, gee waytaanam geettoonu siinik iyyan. Siinil yaceenim, isinni amok yeyyeeqen yaaba ikkal, anu keenik excem hinna.

Ermiyaas 23:22

Yi maroh addal, anu lih yaaba mara yakkeenimil, yi marah warisa keenik excem warisak yenen; away edde yanin umaane kee edde gexan uma gitak ken raaqisak yenen» 'yaanam iyye.

Ermiyaas 23:28

Soono yuble num, ‹Anu wonnah tan soono uble›, axcuk, yuble soonot yaabek faxeemi'mmay, ‹Yallih wacyi yol oobe› axce waama. Wonna hinna'mmay, nummah yok kaal obte farmo tekkek, qaduk keenih warsaamaay nummat ken lih yaabaama. Caffa kee daro inkim hinna. Tahat yabtam yoo YALLA.

Ermiyaas 9:20

Ermiyaas iyyemii, «Taway isin kaadu agabow, YALLIH qangara ankacca haa. Usuk iyyam cubbusay. Xaylo weeqa elle aban inna barisa! Sin innah yan agabu kaadu rabe marah weeqa elle abeh meqe'nna barisa.

Yacedkel 14:23

Abba heem akah abeh meqe sabab too saaku yok aaxigetton. Tahat yabtam yoo YALLAY Mulki lehiyya» iyye.

Hosiqa 14:9

Kas le mari a kitaabal yan yaabat radeleeh, afqadot raaqisele. YALLIH giti, cakkik yan gita. Cakki gitat gexa mari kay gita kataatele. Dambileelaay a yaabat baaqid mahaytaay, tohih sabbatah, kay giti adaf keenil yakke.

Hosiqa 4:10

Maaqo geettoonu'mmay, qulul sin macaba. Xalay fayxih, gabak bicsen duyyey yallah litoonuhiyyah qibaadah aracal dalwa abak sugteeni'mmay, xalay mageytan. Macaay inteenik, yoo cabba hayteenih yalla axcuk duyyeeya tuqbuden» iyye.

Ayyuqel 1:11

Buqre aba maraw, boogisa. Qinab xala coox aysubukuk yen maraw, rookita. Macaay inteenik, kamadi kee gabru deqsitta darooy, wohuk kalah tan daro inkih bayte.

Xafanya 3:6

YALLI iyyaamah, «Doolatwa bayseeh, magaalooli keenik bayseh aniih, xeetik xisen gasoy magaaloolit maroh sugtehiyya kaadu keenik bayseh. Megdebitte keenik foyya abeeh, magaalah addal gititte abuuruy num sinniih, lac sinnihiyya abe.