Ermiyaas 8:7 - NABUWWA KEE MALIKWA

⁷ Koxxali kinni way isi aracah edde yaduure wakti yaaxigeh. Kukkurru kee kalah yan kimbir safarah gersi rasu fan edde gexa wakti isik yaaxigeh. Yi maraw, siinih tu gactek, anu sin elle xiinisa xinto mataaxigan.

Ermiyaas 8:7 ပူးပေါင်းရင်းမြစ်များ

Yasaqya 1:3

Laahi is le mara yaaxigeeh; danoona ken yeddere mari qayso keenih elle yecee arac taaxigeh immay, Israayil maray yi mara kinnihiyya ta gide yaaxagu yeffereh. Tahat radoonu cineenih» iyye.

Yasaqya 27:11

A cooxuk ludwa kafta saaku, butukka 'teh taddigille way, agbi girâ-bocoh haysita. Tut radaah geya mara hinna. Ken Kaalik keenih maracmata; ken Dageltay ken yukluke aysa maqaane keenih maaba» 'yaanam qadarah axcetton.

Yasaqya 5:12

Qaffaydah digirtan saaku, *kiraraay karambo kee fooxima fooxissaanaah, qinabak bicsen kamri taaqubeenih. Takkay immay YALLIH taamat baaqid mantoonuy, YALLI abam mataaxigan.

Ermiyaas 4:22

«YALLI iyyam aabbeh an. Iyyaamah, ‹Yi mari duquuraay; yoo mayaaxigan. Kas sinni qunxa urrih gide ikkal, tut maradan. Uma-taamah abittol ken aleltam matana'mmay meqe taamah waqdi boola lon› 'yaanam axcih aabbe.

Ermiyaas 5:6

Ta umaanek gexxaamah, garboh addak tewqe lubookah gadda akkelon. Bacaril tan suula ken kitittifele. Kabqi oson elle yanin magaaloolih dariifal ilaalisak suggu 'yeh; yawqen waqdi ken kitittifele. Toh keenit akah takku waytam, aban dambi keenik yemeggeh. Ayrok ayro uma taamat qagitak maacisan.

Cabakkuk 1:4

Tohih sabbatah, xinto boolatteh; qadaalat mayana. Yab gitah mekla mari mayanak, umeynit meqe marak fillat gacte» iyye.

Zakariyya 5:9

Dagah wagga hee waqdi, namma barray caacay gutqot haadak yi fanah tamaatehiyya uble. Too namma barra qande le galway koxxali galwah gurral tanihiyya luk ten. Sarrak kafaq ukkuqqu heenih luk haaden.