Ermiyaas 8:2 - NABUWWA KEE MALIKWA

² Too lafoofi inki aracal gaaboysak mayaaguqaanaay; guddaafa baaxot elle caxan innal, baaxot qidelon. Ken elle qiden ikkel qangalaylut raaqelon. Tokkel ayro kee alsa kee cutuukay oson kicinukuuy aqbudukuuy faxaanam elle esserak sugeenihiyyah gubal qangalayle lon.

Ermiyaas 8:2 ပူးပေါင်းရင်းမြစ်များ

2 Malikwa 17:16

YALLAY ken doorehiyya keenil oobise amri cineeniih, Yallih aftok dahabak bicissa heen namma daheltih ceelo yuqbuden. Migaaqah Aseera deqsittaamay yaqbudeenihiyyah astah heenih sugen gurmudda soolisen. Tohuk kalah, cutuukâ-qibaada kee Baqal-deqsitta-duyyeh-qibaadat gacen.

2 Malikwa 21:3

Kay abba Ciskiyyaahu bayseh suge aroocay diini-maleela qibaadah luk sugtehiyya wadir nammeyhaak xise. Baqal elle yaqbudeeni'gidih, sadgat elle aban arooca bicse. Kaak dumal Israayil-malikih yen Acab akah abe innah, migaaqah Aseera deqsittaamay yaqbudeenihiyyah astah heenih sugen gurmudda soolise. Manasse cutuuka kaadu edde aqbuduk yen.

2 Malikwa 21:5

Qibaadâ-Qarih-gasok adda le kabuk namma daaratal inkih, cutuuka elle yaqbuden arac bicse.

2 Malikwa 23:5

Qibaada elle aban aroocay fayyat raqtahiyyay Yuudâ-magaaloolih adda kee Yarusalaam garil geytimtahiyya elle suge maray, seekâ-gurral qerto ruubak sugehiyya, wokkek xiiriyeh. Kaak duma Yuudâ-malikwa, too mara, Baqal-akak-iyyan-duyyey yallah loonu kee, ayro kee alsa kee qaran-cutuukah seekâ-gurral qerto ruubaana'gidih, heenih sugen.

Ermiyaas 14:16

Oson toh akak iyyan mari kaadu, too qulul kee carbit ambaxele. Raysa keenik Yarusalaam magaalah gititteh xaqul qidelon. Lafa keenik yaaguqe mara mageyan. Taham kaadu, keenik kalah, ken agabu kee ken xaylot takku waytaama. Edde yanin umaanek keenih taguude digaala keenit abeyyo» 'yaanam yok iyye.

Ermiyaas 16:11

Too waqdi keenik intu waytaamah: YALLI siinik iyyaamah, Dumî dabaanal isin akak radden sin kaxxa abbobti yoo cabba hayteh gabak bicsen duyye aqbuduk sugen. Yi yab kee anu keenik aba exceemit maqal mahaysitinnoonuuy cinak sugen.

Ermiyaas 16:4

Kaxxa dalka keenit ruubeyyooh; too dalkat ambaxelon. Keenih rookitaah ken yaagaqu waa mara mageyan. Raysa keenik guddaafah innah qangalaylak cabelon; yakkuqe num mageytima. Carbit rabe kee qululuh ambaxi akkelon. Lafa keenik haada kee garboh alluwwah maaqo akkele.

Ermiyaas 16:6

Gaddali kee baacoyti keenik inkih, ta rasul elle rabeleeh, num keenih marookitaay, num ken mayaaguqa. Ken rabih rookah isi xagar num masalliyaay amo isik num mamoola.

Ermiyaas 19:13

Yarusalaam magaalah qarwaay, malikwâ qarwa kee magaalal enna 'ya marih qarwa, nadaysa akah takke innah abeyyo. Too qarwah amol, yaqbuden cutuukah qaydarus ruubak sugen. Mango qaynatih duyyey yaqbudeenihiyyah amol, qibaadah qinabak bicsen kamri caxak sugen. Tonna leemiik too qarwa inkih nadaysa akah takke'nnah absiiseyyom keenih waris› » yok iyye.

Ermiyaas 22:19

Rabta saaku, rabe danan hirriigisak elle beyan innal, lafa kok hirriigisak beyya heenih magaalak afal qidelon» 'yaanam kok iyye. YALLI iyyeemih:

Ermiyaas 25:33

Too saaku YALLI qide marih raysi addunyak a exxaay woo exxal qangalaylut raaqele. Too marah num marookita. Raysa keenik ugussaah ken taaguqem mageyan. Saqi dacah innah, elle ken qiden ikkel, elle yanoonay ken axcelon.

Ermiyaas 31:40

Away baruuga kee guddaafa edde qidan golo kee, Kidroon buyyik daga le kabu raqta booxak xabba haanamaay, Faaris-Afa deqsita aracak ayrô-mawqa le qaxat raqqa 'ta baaxo inkih, yoh caben baaxoy taahirik tani akkele. Too magaala tahak wadir mataddigilaay mabaata» 'yaanam iyye.

Ermiyaas 36:30

yooy YALLAH yani tohul kol gacsam liyo. Ahak wadir kok rade mari Dawud-qarkayto managra. Dawuduk raaqe dardaarinna managran. Ku qaada koh warisu waa. Ku raysi laqo ayrô bagul qangalaylut aseleeh, bar waacal xiinele.

Ermiyaas 9:20

Ermiyaas iyyemii, «Taway isin kaadu agabow, YALLIH qangara ankacca haa. Usuk iyyam cubbusay. Xaylo weeqa elle aban inna barisa! Sin innah yan agabu kaadu rabe marah weeqa elle abeh meqe'nna barisa.

Ermiyaas 9:21

Macaay inteenik, rabi qarik xoggaak buxah adda nek culeh yaniih, maroh gasoosa edde nabbixe magaaloolih adda culeh yaniih, urru gitittel nek raaqisah yan. Furrayna qadaagah aroocal nek raaqisah yan» iyye.

Ermiyaas 9:22

Kaadu iyyeemih: «Rabe marih lafa saqi dacah innah, kulli ikkel qidelon. Yifiilen darok caben caffih innah, kulli ikkel cayxih aneleeh, ken yaaguqe num mageytima. YALLI yok inxica iyyem tamaha» iyye.

Yacedkel 29:5

Koo kee too kullum inkih bacarih tan baaxol qideyyo. Tokkel ginaada kok gubbil elle cabeyyooh; koo yaaguqe mara mageyta. Ginaada kok guma kee alluwwâ gadda abeyyo.

Yacedkel 39:5

Kaxxa booxak bagul ginaada kok raaqele. Tahat yabtam yoo YALLAY Mulki lehiyya› inxic» iyye.

Yacedkel 6:5

Israayil marak raysa too oson yaqbuden xeet kee cooxuk bicsen duyyeh foocal qideyyo. Lafa keenik sadgat elle aban aracak foocal caacayat ruubeyyo.

Yacedkel 8:16

Sarrak Qibaadâ-Qarik adda le kabut raaqa daarat fanah yoo bee. Tokkel, YALLIH Qibaadah-Qarih adda akak culan culma kee sadgat elle aban aracak fanal, labaatanna kee koona num yen. Too labaatanna kee koona numuu, qibaada qarit darre cabak, ayrô-mawqa fan qununnu 'yeh, tawqeh tan ayro aqbuduk yenen.

Xafanya 1:17

YALLI iyyaamah, «Ummat inti maleelah innah tataf edde inta bala ummatal ruubeyyo. Dambi lem yol baaheeniih; tohuk gexxaamah a saaku qabal leeh innah keenik caxitele. Raysi keenik abicca 'yeh baaxô-bagul qangalaalele.

Xafanya 1:5

Qarwah amol gacca 'yeh, ayro kee alsa kee cutuuka yaqbude mara bayseyyo. Yoo yaqbudeeh, yi migaaqal xiibitak wadir, yok kalah Milkom deqsitta duyye yaqbude maray too duyyeh migaaqal xiibitahiyya bayseyyo.