Ermiyaas 8:14 - NABUWWA KEE MALIKWA

¹⁴ Yallih mari iyyu waamah, «Akkel abnam macaay? YALLAY ni Dageltah yanihiyya, dambi lem kaal bahnem nek yubleeh, tonna leemiik nee baysam faxa. Summi le leek nee yafqem faxak, sitta fanah gacnay, woo gasoosa maroh edde tan magaalooli fanah nee beyaay, wokkel rabnay nee inxica» 'yaanam axcelon.

Ermiyaas 8:14 ပူးပေါင်းရင်းမြစ်များ

2 Samuwel 20:6

Too waqdi Dawud Abiisayak iyyemii, «Away Absalaam nel baaheh sugeemik, Sabaq nel baahu waam lafitta. Awayiik yi qaskar gabat hayya haay lakat kaak gex. Toh abe waynek, gaso maroh edde tan magaaloolit culla 'yeh ambooqorele» iyye.

Yasaqya 47:5

YALLI Baabelon marak iyyemii: «Tibba inxicay dite le aracat ombooqora. Baabelon mari doolatwa abbobtih yanin 'yaanam ahaysa siinik m'iyyan.

Ermiyaas 14:20

YALLAW, dambi lem elle bahnem koo kinnim naaxigeh. Nee kee nek duma ni kaxxa abbobti edde asse dambi naaxigeh.

Ermiyaas 14:7

Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Ermiyaas 23:15

Tohuk gexxaamah yoo YALLAY Nabaamak Nabahiyya Yarusalaamal yan maray nabuwwa kinnino iyyak axcemii: ‹Qeero le maaqo sin askameyyooh, summik tan leek sin afqeyyo. Sin umaanek gexxaamah diini maleela baaxol temeggeh. Sin umaanek gexxaamah Yallih meysi sinni mari baaxo kibeh› axce.

Ermiyaas 3:25

Nee kee ni kaxxa abbobti, YALLAY ni Dageltah yanihiyyah amri dumaak cinak sugne. Qunxaanek xabba haanamaay a saakuh amma 'yaanam, YALLAY ni Dageltah yanihiyyal dambi lem bahne. Abne qaybi nee yabbaxay; edde asne qaybi, sartan gurrah, xagar nek buulay› 'yaanam axcih oobbe» iyye.

Ermiyaas 35:11

Away dabaaqah Yarusalaam addal nani'mmay, akke nemeetem Baabelon malik baaxo warare saakuuy; too saaku Baabelon-malikih-qaskar kee Assuuriyah-malikih-qaskarak abne meysih, ta magaala nemeete» yok iyyen.

Ermiyaas 9:14

Yi yab cinna heenih dumaak abak yenen makot yanin. Isinni abbobtik kaxxih, Baqal akak iyyan duyyeh qibaadat yanin.

Ermiyaas 9:15

Tonna leemiik yoo YALLAY Nabaamak Nabah, Israayil doore Dagelta kinnihiyya ta marak abu waam koh warisu waa. Qeero le maaqo ken askameyyo. Summik tan lee ken afqeyyo.

Qaamus 6:10

Rabe marah ramad le numuy magaq absiisahiyya ginaada qari addak yayyaaqu waa waqdi, woo qarih addal rabak saaboh raaqe numuk, ‹Kok sah rabak raqtem maay tan?› axcele. Esseren num, ‹Yok sah raqtem matan› kaak axcele. Too waqdi naharak essere num, ‹Wohoysa YALLIH migaq xagnam nel matanak, tibba 'xic› 'yaanam kaak axcele.

Cabakkuk 2:20

YALLAH tu gactek, elle yanim taahirik yan qariy qaraanal yani. Addunyal enna 'ya mari kay foocal tibbi iyyoonay.

Zakariyya 2:13

Ummatey, YALLI isi dabaaqay taahirik yanihiyyak yamaateh yanik, kay foocal tibba 'xica.