Ermiyaas 7:9 - NABUWWA KEE MALIKWA

⁹ Garqa abtaanaah, sahda qiddaanaah, dalwa abtaanaah; diraabay taceenihiyya numma sinaamat celsissaana'gidih, xiibittaanah. Baqal akak intan gabak bicissen ceeloh dooqa axcuk qaydarus rubtan. Duma aaxige waak sugten duyyeeya Yalla axcuk taqbuden.

Ermiyaas 7:9 ပူးပေါင်းရင်းမြစ်များ

1 Malikwa 18:21

Too mari yemeete waqdi, Eliyyas foocal keenik solla 'yeh keenik iyyemii, «Isinnih taysem aaxige cinteenih, agaagulut rabten. Sin Dagelta YALLA tekkek, YALLA uqbudaay; Baqal tekkek, Baqal uqbuda» keenik iyye. Sahda too waqdi tu kaal magacsinnay tibba inte.

Yasaqya 1:13

Abba haytan sadgat inkih siinik foyya. Isin rubtan qaydarus niqibyooh; tohuk kalah kaadu, alsi bila waqdi abtan qiid kee sabti ayroh abtan qiid kee diini migaaqal abtan gaaboowiyyi inkih, abtan dambik gexxaamah nadaasa yekkeh; siinik mafaxa.

Yasaqya 58:2

Macaay intek, cakki-gital-gexa-marih innal, ken Dagelti iyyeemit darre cabe wee marih innal, oson kulli ayro, ‹Kay gita naaxigem fanxaah, kay amri oggollam fanxa› axcuk yoo yaqbuden. ‹Koo naqbudeemit rufto geennok, qadaalat le xinto neh eyyeq› yok iyyan.

Ermiyaas 1:16

Qagissa heeh yok iyyemii, ‹Yi mari umaanet asa. Yoo cabba heenih yalla axcuk yaqbudeenimih qaydarus ruubaanaah; isinni gabak bicsen duyyeh qibaadat gacen. Tohuk gexxaamah ken digaaleyyo.

Ermiyaas 11:13

Yuudâ-mari yalla 'yeenih yaqbuden duyyek mangah ken magaalooli tikki 'tah gide lon. Yarusalaam mari kaadu umâ-yabulih taniimiy Baqal akak iyyaanahiyyah sadgat elle abaana'gidih bicsen arooca, mangah ken magaalah gititte takkeh gide takke.

Ermiyaas 11:17

«Yoo YALLAY Nabaamak Nabahiyya duma Israayil kee Yuudâ-mara caxah innah uysubukeh suge'mmay, ta saaku bala keenil oobiseyyo. Toh keenik akah abu waam, umaamay dambi lehiyya baahaanaah, Baqal akak iyyaanamay yaqbudeenihiyyah sadgat abaanaah, naqabu yot culsan» 'yaanam iyye.

Ermiyaas 13:10

Oson umeynitiiy, amri yok cineenih. Yi yab aabbe waa maray isinnih faxam aba yekken. Sinam Yallih aftok taqbude tumamme, too marak kaxxih, yaqbude mara yekkeeni'mmay, tahak wadir tama saroh innah, hebeltô-tu'xiq-sinni-maray baaxot radehiyya ken abeyyo.

Ermiyaas 18:15

Yi mari yoo cabba heeh tu xiqe sinni gabak bicsen duyyey yallah loonuh qaydarus ruuban. Meqe gitay kataate raareenihiyyak, too duyyeh qibaaday edde yaniini ken raaqisseeh, makot ken beyte. Ken kaxxa abbobti kataatak sugte gita cabba heenih, makot yan gitat gexaanam dooriten.

Ermiyaas 19:4

Macaay inteenik, yoo maaqilteeniih, yot darre cabteeniih, yalla axcuk taqbuden duyyey xeet kee cooxuk bicseenihiyyat baaxo wasak abten. Taham duma sin kaxxa abbobti aaxaguk sugtem hinnaay; isin, Yuudâ-malikwak, kaadu aaxaguk sugteenim hinna. Tohuk kalah kaadu, a baaxo tu baahe wee marih qabalat bayissen.

Ermiyaas 32:29

gira teetit ruubelon. Yarusalaam magaalal yan mari Baqal akak iyyaanam aqbuduk sugen. Tohumuy yaqbudeenihiyyah qibaadah, isinni qarwah amol qaydarus qeerisak sugen. Yallah lon duyyeeyah kaadu qibaada abak sugeeniih, too qibaadah sadgatah qinabak bicsen kamri bahha heenih faaroh caxak sugen. Tohum yot naqabu culusse. Tohuk gexxaamah Baabelon-malik kee kay qaskar too qarwa akah cararissa'nnah abeyyo.

Ermiyaas 44:3

Toh akah tekkem, tokkel suge mari abak suge uma-taamah sabbata. Yot naqabu culuseeniih, xeet kee cooxuk bicsen duyyeh qibaadah sadgat abittot gacen. Too duyyey oson aqbuduk sugeenihiyya, sin kee sin kaxxa abbobtik num yubleeh yaaxige duyye hinna.

Ermiyaas 44:8

Ama Masri rasuy elle taniinihiyyal, gabak bicissen duyye akah taqbudeeniih, sadgat too duyyeh migaaqal akah abtaanam macaay?› keenik inxicey. ‹Ta duyyeh abtan sadgatat, isinni nabsi akah bayissaanaah, ilaaqaanaah ces akak iyyan mara akah takkeenim macaay?› keenik inxicey.

Ermiyaas 44:9

‹Sin kaxxa abbobtiiy Yuudâ-malikwa kee ken agabuuy; sin kee sin agabu Yuudâ-rasitte kee Yarusalaam-magaalal abak tenen dambi hawwenteenii?

Ermiyaas 48:35

Mooyab mari yallah le duyye elle yaqbuden aracal aban sadgat kee, too duyyeh qibaadah ruuban qaydarus ahak wadir ayseedeyyo. Tahat yabtam yoo YALLA» 'yaanam iyye.

Ermiyaas 5:2

Yi migaaqal xiibitaanah immay akah xiibitaanam maaban» 'yaanam iyye.

Ermiyaas 5:7

YALLI siinik iyyeemihii, «Isin yi mara kinniton immay yoo cabba hayteenih gabak bicsen duyyek Yalla inteeniih taqbudeenik, tohoysa qafu mannal siinih axce? Maaqok nagay sin adoobiseeh, rike siinit macabinniyo'mmay caraamuk aade cinteeniih, xiiqareh-xiinâ-buxaaxi dabaaqah haysitten.

Ermiyaas 7:6

sin addal yan allî-marat xukkute wayteeniih, qayxiixa kee gubun adlume wayteeniih, elle tanin baaxol masaakiinâ-qabala caxe wayteeniih, xeet kee cooxuk bicsen duyyeh-qibaaday baati siinih xaltu waytahiyyak raqteenik,

Yacedkel 18:18

Kay abbah tu gactek, sahda duquurusakaay sahda buubak suge. Baatil abak sugeeh, tonna-leemiik isih baahe dambih isih rabele.

Yacedkel 20:30

Tonna leemiik Israayil marak intaamah: «YALLAY Mulki lehiyya siinik iyyaamah, ‹Isin kaadu sin abbobti abak sugte uma-taama macah abtaanaah; isinni nabsi nadaasat macah culsaanah? Oson aqbuduk sugen xeet kee cooxuk bicsen duyyeh lakat macah tarden?

Yacedkel 23:39

Xeet kee cooxuk bicsen duyyeh sadgatah yi xaylo qidda heenik sarra, yi qariy yoo elle yaqbudeenihiyya yemeeteeniih, nadaasa aben. Yi qaril toh aben.

Yacedkel 5:11

«Waara YALLAY Mulki lehiyya kinniyooh, tonna-kinnuk axceemih: gabat bicsen duyye kee caraamak tan taamat, Qibaadâ-Qari yok nadaasa abteeniih; tonna-leemiik anu kaadu darre siinit cabeyyooh; siinih maracmatay siinih maxuwaawa.

Hosiqa 2:13

Yoo hawwenna hayteh Baqal akak iyyan duyyeh qaydarus qeerisseh; bilqitta inteh mareytit lakat gexxe'mmay, toh teetit macabay, tet akah digaaleyyo. Tahat yabtam yoo YALLA» 'yaanam iyye.

Hosiqa 6:9

Seeka, siftay sinam qidimih raarissa tekke. Seekem magaala fan beya gitih addal kinni way sahda qidan. Makkook kaxxa umaane aban.

Qaamus 4:5

Ahaysa wadir maxcina! Candi gacsah Yallih sadgatah bahtan gaqambok maadayinay baaha! Ahak kalah sadgatah bahtaanamal tirtirisa. Toh hinnaa, isin kaxxam edde takkaleenim!» 'yaanam keenik iyya.

Xafanya 1:5

Qarwah amol gacca 'yeh, ayro kee alsa kee cutuuka yaqbude mara bayseyyo. Yoo yaqbudeeh, yi migaaqal xiibitak wadir, yok kalah Milkom deqsitta duyye yaqbude maray too duyyeh migaaqal xiibitahiyya bayseyyo.

Malaaki 3:5

YALLAY Nabaamak Nabahiyya iyyeemih, «Anu sin mekla'gidih sin adda amaateyyo. Amaate saaku baab abaah, dalwa abaah, diraabah sumaaqitaah, taamâ-marah cawal kalitaah, gubun kee qayxiixaa kee allî-baaxoh maray ken addal yanit xukkuta maral inkih ackumeyyo. Too mari inkih, yok meysite waa mara.

Makaabon 5:8

Israayil mari Yalla akke sinnim yuqbudeh; too saaku woo baaxol qeebi gace. Morootom alfi yakke Israayil marat gob kee macaxu gabat le num mananna.